Angmga mananap duna bay espiritu? Unsay mahitabo kanila human sila mamatay?

Oo, ang mga mananap dunay espiritu (tan-awa sa D&P 77:2–3). Dayag lang, dunay dakong kalainan tali sa espiritu sa mga mananap ug sa atong espiritu—kita anak nga mga lalaki ug babaye sa Langitnong Amahan, ug sila dili.

Ug sumala ni Propeta Joseph Smith, adunay pipila ka mananap sa langit. Siya miingon:

“Nakita ni Juan ang talagsaon nga mga mananap sa langit; … ngadto, nanaghimaya sa Dios. … (Tan-awa sa Pin. 5:13.) …

“Ako nagtuo nga si Juan nakakita didto og mga binuhat sa liboan ka mga matang, nga naluwas gikan sa napulo ka liboan ka pilo sa napulo ka liboan nga mga yuta sama niini,—lahi nga mga mananap nga wala nato mailhi: tanan tingali makita didto sa langit. Nahibaloan ni Juan nga gihimaya sa Dios ang Iyang kaugalingon pinaagi sa pagluwas sa tanan nga gimugna sa Iyang mga kamot, mananap man kini, mga mananap sa kahanginan, mga isda o mga tawo; ug Siya mohimaya sa Iyang kaugalingon uban kanila” (sa History of the Church, 5:343).

Busa, bisan og dili hingpit ang atong panabut kon unsay mahitabo sa mga mananap human sila mamatay, nagtuo kita nga matagamtam nila ang usa ka matang sa kaluwasan ug pagka-imortal.