Komentaryo
Ang mga Pioneer Mitudlo Kanako
Sa miaging Disyembre nawad-an ko sa kadasig ug dili gustong adornohan ang balay o isaulog ang Pasko. Dayon nakabasa ko og artikulo sa Disyembre 2011 Liahona nga naghulagway sa unsang paagi nagsaulog ang mga pioneer sa Pasko: nanayaw sa tuno sa taghoy tungod kay wala silay mga instrumento sa musika—bisan sila walay regalo ug gamay lang ang pagkaon (tan-awa sa “Pasko alang sa Una nga mga Pioneer” sa “Gagmay ug Yano nga mga Butang,” 9). Kadto nga artikulo nakatabang kanako nga mausab ang akong kinaiya ug kasingkasing. Usahay kita dili moila o mohatag og bili sa mga butang nga anaa kanato.
Ana Rosa de Melo Ferreira, Rio de Janeiro, Brazil
Tinguhaon ang Dios Matag Adlaw
Salamat sa Enero 2012 nga isyu. Akong bana ug ako adunay talagsaong kasinatian samtang nagbasa sa artikulo ni Adam C. Olson, “Pagdiskubre Pag-usab sa Usa ka Katingalahan sa Kalibutan … ug Paglikay sa mga Kakuyaw sa Kakulang sa Espirituhanong Pagbati,” (pahina 20). Kini nakatabang kanamo nga makaamgo sa makanunayong panginahanglan sa pagtinguha sa Dios matag adlaw sa among kinabuhi. Nasayud ko nga ang mga mensahe diha sa magasin dinasig tungod kay kadaghanan niini miabut sa akong kinabuhi sa dihang nanginahanglan ko kaayo niini.
Daiana Araceli Beloqui de Iannone, Buenos Aires, Argentina