Gipahiuli ni Jesukristo ang Iyang Simbahan sa Ulahing mga Adlaw

Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.

Hunahunaa nga nangita kamo og bahandi. Asa kamo mangita og bahandi? Unsaon ninyo sa pagpangita niini? Aduna bay kahon sa bahandi? Unsa ang naa sa sulod?

Ang ubang mga kahon sa bahandi adunay nindot nga alahas ug mahalon nga mga sensilyo. Apan isip miyembro sa Ang Simbahan ni Jesukristo sa mga Santos sa Ulahing mga Adlaw, kita adunay bahandi nga mas bililhon pa: ang ebanghelyo ni Jesukristo.

Daghang mga tawo ang wala masayud niini nga bahandi, mao nga usa sa atong mga katungdanan mao ang pagpakigbahin niini sa daghang mga tawo kutob sa mahimo

Pagkamatay ni Jesus ug sa Iyang mga Apostoles, ang ubang importante nga mga pagtulun-an ug mga ordinansa sa ebanghelyo nawala o nausab, lakip sa bunyag, awtoridad sa priesthood, mga templo, buhi nga mga propeta, ug ang sakrament.

Kining tanan nga mga bahandi sa ebanghelyo gipahiuli pinaagi ni Propeta Joseph Smith. Ang Langitnong Amahan ug si Jesukristo nagpakita ngadto ni Joseph Smith didto sa Sagrado nga Kakahoyan sa dihang nag-ampo siya aron masayud sa kamatuoran.

Unya nadawat ni Joseph ang bulawan nga mga palid ug gihubad kini ngadto sa Basahon ni Mormon. Ang Basahon ni Mormon naglakip sa mga pagtulun-an nga atong gibahandi tungod kay kini nagpasabut sa mga kamatuoran nga sa makausa nawala. Makadawat kita og daghang mga panalangin tungod kay ania nato ang mga kamatuoran sa ebanghelyo.

Pagkabililhon niini nga mga bahandi!

Mga paghulagway pinaagi ni Bryan Beach