Mga Ideya sa Family Home Evening

Kini nga isyu naglangkob og mga artikulo ug kalihokan nga magamit sa family home evening. Ang mosunod mao ang pipila ka mga ehemplo.

“Ang Misyon ug Pagpangalagad ni Jesukristo,” pahina 18: Si Elder Russell M. Nelson nagpakigbahin og lima ka aspeto sa kinabuhi ni Jesukristo nga atong sundon. Ikonsiderar sa paghisgut kining mga aspeto ug unsaon nga magamit ni sa inyong kinabuhi. Makabasa mo og istorya sa kasulatan gikan sa kinabuhi sa Manluluwas o motan-aw og Bible video sa (biblevideos.lds.org) nga nagpakita sa usa niadtong aspeto. Mahimonng inyong tapuson pinaagi sa pagpamatuod sa Iyang kinabuhi ug pagpangalagad ug pagkanta sa “More Holiness Give Me” (Hymns, nu. 131).

“Unsa ang Tinuod nga Higala?” pahina 52: Mahimo ninyong sugdan pinaagi sa pangpangutana, unsay tinuod nga higala? Basaha ang kahulugan niini ni Elder Robert D. Hales ug hisguti unsa nga matang sa higala kita angay mamahimo. Ikonsiderar sa pagsaysay og kasinatian dihang may tawo nga nagpakita nga tinuod ninyong higala, ug hisguti ang kinaiya nga makatabang sa pamilya nga mas mamaayong higala sa uban.

“Pagsaulog sa mga Templo!” pahina 62: Uban sa inyong pamilya, tan-awa ang mga litrato sa lain-laing pamaagi nga ang mga bata nagsaulog sa templo. Ikonsiderar sa pagpakita og litrato sa pinakaduol ninyo nga templo ug hisguti nganong importante kini. Hatagi og gibug-aton nga diha lang sa templo mabugkos ang pamilya. Mahimo ninyong tapuson pinaagi sa pagkanta “Mga Pamilya Mahimong Manag-uban sa Hangtud” (pahina 65).

Sa Inyong Pinulongan

Ang Liahona ug ubang mga materyal sa Simbahan anaa na sa daghang pinulongan sa languages.lds.org.