Young Church-Service Missionary Nalipay sa Pagserbisyo
Si Elder Ernesto Sarabia nagsul-ob og itom nga missionary badge kada adlaw sa iyang misyon. Apan ang iyang buluhaton sa misyon talagsaon kaayo gikan sa uban’—Si Elder Sarabia nagserbisyo isip usa ka young Church-service missionary (YCSM) sa opisina sa Mexico Hermosillo Mission.
“Among namatikdan nga dili maalamon alang sa uban natong batan-ong mga lalaki ug babaye sa pag-atubang sa mga kalisud ug mga hagit sa usa ka full-time nga misyon,” miingon si Elder M. Russell Ballard sa Korum sa Napulog Duha ka mga Apostoles. Apan kini, siya miingon, wala magpasabut nga dili sila makaapil sa mga panalangin sa misyonaryo nga pagserbisyo (“Usa Pa,” Liahona, Mayo 2005, 69).
Si Elder Russell M. Nelson sa Korum sa Napulog Duha ka mga Apostoles miingon, “Ang misyon usa ka boluntaryong buhat sa pagserbisyo sa Dios ug sa katawhan” (“Pangutan-a ang mga Misyonaryo! Makatabang Sila Kaninyo!” Liahona, Nob. 2012, 18), ug adunay daghang mga paagi sa paghalad niana nga serbisyo.
Alang niadtong madungganon apan dili makaserbisyo og proselyting nga misyon, o alang niadtong kinahanglang mouli og sayo, ang programa sa YCSM makahatag og makahuluganong mga kasinatian sa misyon.
Mga Kinahanglanon sa Pagserbisyo
Ang mga YCSM kinahanglang makahimo sa pagbuhat sa mga katungdanan sa ilang calling sa pisikal, sa panghunahuna, sa espirituhanon, ug sa emosyonal nga paagi, nga diin giayo sa pagpahaum.
Ang mga buluhaton sa YCSM magkalahi gikan sa 6 hangtud sa 24 ka bulan ug mahimong magserbisyo duha ka adlaw sa semana hangtud magserbisyo og full time. Adunay mga oportunidad sa pagserbisyo sa komunidad ingon man usab diha sa inyong lugar. Ang potensyal nga mga buluhaton sa YCSM maglakip sa family history research, information technology, mission office assistants, bishops’ storehouses, ug uban pa.
Suporta sa Pamilya ug sa Priesthood
Ang mga ginikanan, mga lider sa priesthood, ug mga miyembro sa Simbahan makatabang sa potensyal nga mga YCSM sa pagpangandam sa pagserbisyo og mga misyon.
Ang pamilya ni Sister Eliza Joy Young misuporta gayud niya, modrayb niya padulong ug gikan sa mga opisina sa Simbahan sa Sydney, Australia.
Si Elder Michael Hillam, kinsa nagtrabaho sa Hong Kong Distribution Center, miingon, “Ang akong mga magtutudlo sa sayo sa buntag nga seminary ug ang mga lider sa Young Men nakatabang nako sa pag-andam.”
Ang Pagsakripisyo Makahatag og Panalangin
Gisakripisyo ni Sister Young ang iyang mga adlaw nga walay trabaho aron sa pagserbisyo og Church-service nga mga misyon. Miingon siya, “Gibati nako nga mas maduol sa akong Langitnong Amahan nga nakahibalo nga ako nagtabang Kaniya.”
Dugang pa sa espirituhanong mga panalangin, ang pagserbisyo og Church-service nga misyon makahatag sa batan-ong mga misyonaryo og bililhong sosyal ug propesyonal nga mga oportunidad. “Ang akong misyon nakapakita nako nga ako makahimo sa bisan unsa nga trabaho,” miingon si Sister Young. (Nakatrabaho ra siya kaniadto nga tinabangan.)
Bisan og dili ang tanang young adult kinsa gusto nga moserbisyo makahimo, gipaningkamutan pag-ayo ang paghatag og kahigayunan sa tanang takus nga young adult. Ang batan-ong mga lalaki ug babaye kinsa gustong moserbisyo niining paagiha mahimong makig-istorya sa ilang bishop o presidente sa branch, kinsa makapangita og tukmang mga oportunidad alang nila.
Basaha pa sa news.lds.org pinaagi sa pagpangita sa “young church-service missionaries.”