Ang Gahum sa Pag-ula

Ioriti Taburuea, Kiribati

Sa dihang gitudloan ko sa mga misyonaryo, ang importanting bahin sa ilang mga leksyon kanunay si Jesukristo ug ang Iyang Pag-ula. Gipasabut nila nga ang Pag-ula usa ka gasa gikan ni Jesus alang sa matag usa nato. Gasa kini nga atong magamit sa atong inadlaw nga mga kinabuhi kon kita mag-atubang og mga pagsulay o kon kita makasala. Ang gahum sa Pag-ula makabayaw, makaayo, ug makatabang nato padulong sa higpit ug pig-ot nga dalan nga padulong sa kinabuhing dayon.

Samtang gipakigbahin kini sa mga misyonaryo, duna koy kusog nga pagbati nga nagmatuod nako nga tinuod kini, ug nakahukom ko nga magpamiyembro sa Simbahan.

Dayon nakahukom ko nga magmisyon kay gusto kong motabang sa uban nga masayud niining talagsaong gasa. Pinaagi sa pagtudlo ug pagpakigbahin sa Pag-ula, akong nakita ang uban nga nausab ngadto sa bag-o nga dalan sa kinabuhi. Ang kompleto nga kausaban miabut, dili lang sa pagpaminaw kabahin sa Pag-ula apan sa paggamit niini usab sa akong kinabuhi.

Nasayud ko nga ang Pag-ula tinuod. Kon modapit kita sa impluwesnya niini sa atong mga kinabuhi, bisan unsa pa nga sirkumstansya ang atong atubangon, ang tanan mamaayo ra ug mobati kita og kalipay.