Tain Booki aika tabu

Iesu E Kamarurunga te Rebera

Iroun Erin Sanderson

E maeka te tia korokaraki i Utah, USA.

Reiakina taekan te Nu Tetemanti n ikotakin te ririki aio!

Iangoa te tai are ko aoraki iai. Iai te bwai ae karaoia temanna ae akoi ni buokiko n namakinna bwa ko nakoraoi?

N te Nu Tetemanti ti wareka taekan Iesu ni kaota te akoi nakoia aomata ake a aoraki. N te bong teuana te mwaane ma aorakin kunna ae aranaki bwa te rebera e nakon Iesu. E ataia bwa iai mwaakan Iesu ni kamarurungia aomata ake a aoraki. E kakoaua bwa e kona ni kamarurungnga Iesu. Iesu e ringa te rebera ao e taku, “Ko na itiaki” (Mareko 1:41). N te tai are e waekoa n taetae iai Iesu, e a marurung te mwaane.

Ti kona n toui mwanekan Iesu man te akoi ao n tangiria tabeman ake a aoraki ke n rawawata.

Reiakina Riki ae Bati: Taian Euangkerio

Iai aua booki aika onoti inanon te Nu Tetemanti ae a aranaki bwa taian Euangkerio, ake a koreaki irouia tabeman ana reirei Iesu. Taian Euangkerio a taekina rongorongon Iesu ngke e maeka iaon te aba. Karakinan te rebera are e kamarurungaki e mena inanon Euangkerio ake teniua. E mena ni Mareko 1:40–42 ao inanon naba Mataio 8:2–4 ao Ruka 5:12–14.

Iango ibukin te Taetae n te Utu

Ko kona ni kabonganai tamnein booki aika tabu iaon iteraniba 74 ni karakina te rongorongo man Mareko 1:40–42. Ngkanne ko kona ni warekaIuta 1:22 ao ni baireia bwa e kanga karaoan te bwai teuana n aron te utu ni karaoa te kaokoro ni maiun temanna. Tao ko kona ni beku ibukin temanna n ae raba!

Anene: “Tell Me the Stories of Jesus” (Aia Boki n Anene Ataei, 57).

Booki aika Tabu: Mareko 1:40–42

Witeo: Nako nakon Biblevideos.org ni mataku “Iesu E Kamarurunga te Mwaane ae Mauku Waena n te Tabati” ao “Iesu E Kamarurunga te Mwaane ae Bungiaki ni Mataki.”

N Toui Mwanekan Iesu

Ma am utu, karaoia n te kaotioti bwa ko kanga ni kaota am tangira ibukiia tabeman ni kangaanga aikai. Karioi tabeua man oin am kangaanga!

• Te utu ae boou e mwaing nakon am tabo.

• Tabeman ataei a rang buakaka nakon temanna te ataei n te reirei.

• Te iruwa ae e aki kinaa temanna n te aro e roko n te Buraimwari.

• Mwaanem ae uarereke ke tarim akea raona n takakaro.

• E tang te ataei, ao tinam e kataia ni karaoa te katairiki.

• E aoraki temanna man am uoote ao e aki kona ni kitana te auti.

Buoka ni Booki aika Tabu: Taeka ae kakaeaki

Ni Mareko 1:41 te taek ananoanga e kabonganaki. N tabetai iai taeka aika nano inanon te Baibara are ko na aki oota iai. Ngkana ko kunea te taeka ae ko aki ataia, ko kona ni kabongana Kairi nakon Booki aika tabu ni buokiko! N aron te katoto, ko kona n taraa “Nanoanga” ni kunea bwa tera nanona ao ni kakaei tabeua booki aika tabu are e kabongana. Tera tabeua taeka ae ko kona n tarai n rongorongon Iesu ni kamarurunga te mwaane are e rebera?