Korakoran Ana Kairi te Tamnei irouia Aine
E maeka te tia korokaraki i Utah, USA.
Ti ata korakoran mwaakan te tamnei iroura?
Daughters of Diety, iroun Kathleen Peterson, E NAAKI KAOBIAKI
A mwaiti aine aika nanorinano man tamaroa n te Ekaretia aika kabanei nanoia ni mwakuri n akea ataakin korakoran aia mwakuri ae a karaoia ni maiuia—n aia mwakuri n te maiu n rabwata, ma aiarona naba ma mwiin korakoran te tamnei. Temanna te aine ae bon aekakina bon tibu te aine, Cherie Petersen. E a tia ni karaoa ana beku ma te kakaonimaki ni mwiokoana aika mwaiti inanon maiuna. Ngkana ko titirakinna, e na tii kaotia bwa e aki mwaiti ana tarena ae na anganiia aomata. Engae n anne, ngke I a tia n reiakina aron maiuna, I a tibwa ataia bwa e mwaiti korakoran mwaakan tamneina ae e a tia n roota maiu.
A na karo Cherie a toki ni iri taromauri ao n raure ngke e bon rangi n raa, ao e rikirake iroun tinana, Florence ae aki toki ni bekutata. E a bon tia naba Florence n aki mwannanoaki riki ngke te ataei, bwa e karikirakeaki n te reirei ae mamaeka iai ngke tinana ae Georgia e maiuakina te maiu n aonnaba. Inanon taian kangaanga n tain rikirakena, E bon tiku Cherie n teimatoa inanon te eungkerio ni kakaonimaki n iriri n taromauri ma ana utu tibutoruna ae Elizabeth ke raraona. E noria n aia utu nako baika e tangiri ibon ibukina E aki rau n ataia bwa a na aekakira te utu, ma ae ataia ae e naki riai n riki, ao e motinnanoia bwa e na reke ana utu n taai aika a na roko ae kaokoro.
Buun Nei Cherie—tinan tamau ae Dell—e tuangai n te taina, “Ni karekean te koaua ko riai n tangiria. E tangiria Cherie n tainako ni kaota ana koaua” Inanon moani ieiniia ngkoa a kaonaki n kanganga, A bon motinnanoia n tiku n nene bwa te utu. Inanon moani ieiniia a bon aki bati ni kakaonimaki ibukin tain ana mwakuri Dell, ma te weteaki nakon mwakurin te Buraimwari ao Cherie ea moana iririna, ao Dell n te tai ae waetata e iria nakon te taromauri nakoana bon te atuaitia ngaia nakon aia kooram riikan. Mai ikanne a uaia ni kakaonimaki. Ana anganano ma ana motinnano Nei Cherie ni beku ao ni baireia ni kan karikirakea ana utu ae korakora e buoka tinau n riki bwa te aine ae e korakora ngaia, ao ana banna ni katoto tinau e a tia nibuobuoki ni katamaroa maiu,e moamoa riki ngkai I a katea oin au utu.
Ngaira aine e konan reke iroura korakoran ana kairi te tamnei nakon maiuia aika a mena i rarikira. E reireinira raoi Iotebwa Timiti bwa ara mwakuri bon “tiaki tii buokaia kainnano, ma kamaiuan tamneia”1 E a tia Iesu Kristo ni weteia aine n Ana Ekaretia bwa a na riki bwa Ana reirei ao man korakora n aroia n tamnei. Korakorara n tamnei ao ni kairi a bongana inanon karikirakean te mwakuri ni kamaiu, ao ti kainnanoi aanga ni kakorakoraia n tamnei kaain rarikira. Ngkana ti karaoia, korakoran ara onimaki ao te raoiroi e na bon riaon are ti kona n noria.
Te Weteaki N Riki Bwa taan Reirei
Unimwane James E. Talmage (1862–1933) n te Kooram n Abotoro Ake Tengaun Ma Uoman e koreia, “Te Tia Kamanomano korakora n te aonnaba irouia aine ao te nakoa n aine bon Iesu te Kristo.”2 Iangoia, n aron,are E reireiniia Ana Reirei aika uoman aine aika Ana reirei n te Nu Tetamenti, aine aika Maria ao Mareta. Te Boki Daughters in My Kingdom e kabwarabwara: “Ruka 10 kanoana taekan Mareta ni kauka mweengana nakon Iesu. E mwakuri ibukin te Uea man tararuaan ainnanona, ao Nei Maria e tekateka irarikin waen te Mwatita ao n ongora ana Ana reirei.
“Inanon maanin te tai ao a tii kantaningaaki aine ni kabane. ni karaoi mwakuri n te maiu n rabwata. E reireiniia Mareta ao Maria te Tia Kamaiu bwa aine a kona naba ni mwakuri n te aro n tamnei ni karaoa Ana beku. E kaoia bwa a na riki bwa Ana Reirei ao ni uataboa te kamaiu, ‘are te tibwanga ae raoiroi’are a na aki kona n anaaki mairouia.”3
N aekakin Mareta, n tabetai ti karaoa te kairua ni iango bwa aia moan mwakuri aine bon karaoan mwakuri n te rabwata, n aekakin katauraoan te amwarake, itutu, ao te kaitiaki ibukiia tabeman. Te mwakuri aio e kakaawaki ao te anganano n tangira; e ngae n anne, e raka riki nakon are E kainnanoia aine ake a kona ni itutu ao ni kamwai amwarake, Te Uea E kainnanoa mwakan tamneia aine ake aia onimaki, raoiroia, ao te nanoanga are oti ni maiuia. E ataia bwa iai iroura ae mwaiti bwa ti na anga. Iesu Kristo E wewete nakoira bwa ti na karikirakei korakoran tamneira ao ara konamaki ni karekea ao ni mwakuri iaon te kaotioti ni buoka kamwakuran Ana mwakuri ni waakirake. Linda K. Burton, beretitenti ni kabuta n te Botaki n Aine, ngke taku nakoia aine, “Kam a tia ni kanakoaki nakon te aonaaba n te tai aei bukina bwa ibukimi ao tera are kam katauraoaki bwa kam na karaoia! N aki tabeakina are e na kataia Taatan ni kairoroira ni iangoia bwa antai ngaira, kinakira ni koaua bwa Ana reirei Iesu Kristo!”4
E ataira te Uea ao aroarora, ao iai Ana mwakuri ibukira n tatabemaniira ae ti na karaoia n te aonaaba aio. Akea te aine ae ataa ae karako ke iai ae tii tabeua ana tarena ake a na kakorakoraaki n tamnei ibukin raoiroina ao ni kairia tabeman nakon Kristo. N te konabwai ae itiaki aio iai tabera n riki bwa taan kairiri n tamnei ni mwengara ao ara baronga. Unimwane M. Russell Ballard n Aia Koram Abotoro Ake Tengaun Ma Uoman e tuangiia aomata, “Aine n tatabemaniia nako n te Ekaretia aio ake a tia ni karaoa te berita ma te Uea iai irouia te mwakuri ae mimitong ni buoka kamaiuan te tamnei, ni kairiia ainen te aonaaba, ni kakorakorai mweenga n Tion, ao ni katea Uean te Atua.”5
Ti na aki kan mena n taabo aika ririeta ke ni karaoi bwaai aika aki kantaningaki ni buokiia aika mena i rarikira ni karaoi rinerine aika e na kairiia ni kaniia ma Iesu Kristo—tabera ae moan te kakawaki. Bon ni kauoua ae bubura ao bwaai aika moan te uarereke are ti karaoi ni maiun temanna ke uoman, ao i boni inanon oin ara utu, e kona ni iai mwiina ae korakora.
Aine inanon te Mwakuri ni Kamaiu
Te anene ae tatangiraki, “Aia mwakuri anera a anganaki aine; Ao aio te bwain n tangira are, ngaira aine, ti tangiria.”6 E mwaiti iroura ae ti na anga nakoia aika ti tangiria. Unimwane Richard G. Scott n Aia Kororam Abotoro Ake Tengaun Ma Uoman e tia n taekinii karaki bwa e kanga korakoran te tamnei irouia uoman aine n roota maiuna.
“Ngke te ataei ngai,tiaki te membwa tamau n te Ekaretia ao tinau e aki bati ni kakaonimaki. … Tabeua namwakaina imwin au ka waniua ni bongi ni bung, Tibu te aine Whittle e roko ni kawarira. E rangi n tabetabe tibu bwa I tuai bwabetitoaki ma tariu ae ikawai. I aki ataia bwa tera ae tuangiia au karo ibukin aei, ma I ataia bwa n te ingabong teuana e kairai ma tariu nakon te tabo ni kakakibotu ao ni kaongoraira ana namakin ibukin bonganan te bwabetitoaki ao irakin te Taromauri n taainako. I aki uring kabwarabwaraakin bwaai aika e taku, ma ana taeka e kakibea te bwai teuana i nanou, ao ti a waetata ni bwabetitoaki ngai ma tariu. …
“Tibuu te aine e a tia ni kamanena te mwaiti ae riai n te korakora ao ni karinerine ni buoka tamara n ataa bonganan kabutakira nakon te umwantabu ibukin ara bowi. Ni katoa te kawai ae riai, e buokira n namakina kainnanoan te euangkerio inanon maiura.”7
Te kauoua ni waaki ni korakoran te tamnei bon buun Unimwane Scott; Jeanene, Ngke a moanna ni babaire ni maroroakina te tai ae na roko. Jeanene are rikirake n te mweenga ni mitinare ae matoatoa, e kabwarabwaraa nanona ni kani mare ma te mitinare ae bane ana tai inanon te tembora Unimwane Scott, are aki bati ni iangoa te mwakuri ni mitinare i mwaina, e a rootaki nanona. “I aki matu inanon auan te tairiki. … Imwin tataro aika mwaiti I a katia au iango ni kawara te bitiobi ao ni moana au bubuti ni kan mitinare.”8 E ngae ngke Jeanene e anganna kawai ni kairi ao ni kairoroa are kainnanoia, e taku Unimwane Scott, e aki tuangai Jeanene bwa N na mitinare ibukina. E bon bati n tangirai ni kaota ana iango ao ngkanne e anganai te tai bwa ni karaoa kawaiu nakon oin maiu. Ti uaia ni kaai ni mitinare ao rimwi ti kabaeaki n te tembora. Ungan nanon Jeanene ao kakorakoraan nanona nakon ana onimaki e a tia ni karaoa te bitaki nakoni maiura ni bootaki. I koaua bwa ti na aki kona ni kunea te kukurei ae ti karekea n akean korakoran ana onimaki n te koaua ni beku moa ibukin te Uea. Bon te aine ae raoiroi, te banna ni kakairi n te raoiroi!”9
Bon korakoran tamneia aine aika anera aikai inanon maiuna are e a buoka tii temanna te mwane. Unimwane Scott—e karaoi tabeua babaire aika moan te bongana inanon maiuna: ni bwabetitoaki, n nakoni mitinare ao ni mare n te tembora.
Ti kona ni buokiia tabeman ni karaoi rinerine aika raraoi man ara katoto, ara mwakuri, ara taeka, ao arora n aomata ae raoiroi. Titita Carole M. Stephens, moan kauntira n ana beretitentii ni kabuta te Bootaki N Aine, e katanatoata, “Ngaira naati aine n te berita inanon abanuean te Uea, ao ti kona n riki bwa ana bwai ni mwakuri inanon Baina. … Ti ibuokanibwai n te mwakuri ni kamaiu ni katoa bong ni kawai aika bebete—n tararua, ni kakorakoraia, ao n reiakina temanna ma temanna.”10 Ngkai ti mwioko iaon te Tamnei ao ni waakirake ma te nano ni koaua ao te aro n nanorinano ni buokiia aika i rarikira ni karokoiia nakon Kristo, ti na kairaki n te bwai are ti kona ni karaoia aon anganaki te korakora ni karaoia, ao ti na namakina te kukurei ni uotakiia natin te Uea Nakoina.
N Riki bwa Korakoran te Tamnei
Atakin tabera, ti na titiraki n aekaia reirei ake ngkoa, “Tera ae ti na karaoia” (Makuri 2:37) n riki bwa te tia anai nano n te tamnei? Inanon te maungatabu ni kabuta ae nako, Titita Burton e tuangia aine bwa a na iangoi “tabeua ‘ibuobuoki n tamnei aika tangiraki’ kanikina aika irekereke nakon te mwakuri ni kamaiu.”
-
Kainnanoan te Buobuoki: kaaro ni karikirakeia natiia n te oota ao te koaua.
-
Kainnanoan te ibuobuoki: naati aine …taari aine …,ai tinam … , ai tarim, tibum, ao raoraom ni koaua ni mwakuri bwa kairi ao n anga baai ni buobuoki nakon kawain te berita.
-
Kainnanoan te ibuobuoki: nakoia ake a kakauongo nakon ana kairiri te Tamnei ae Raoiroi ao ni mwakuri n taian iango ake a karekei.
-
Kainnanoan te ibuobuoki: te koraki ake a maiuakina te euangkerio ni uarereken ao ni kawai aika beebete.
-
Kainnanoan te ibuobuoki: kateirikin te utu ao taan mwakuri n te tembora n tomaia utu n akea tokiia.
-
Kainnanoan te ibuobuoki: mitinare ao membwa ni kabuta te ‘rongorongo ae raoiroi’—ana euangkerio Iesu Kristo
-
Kainnanoan te ibuobuoki: taan kamaiu ni kakaeia ake a bua kawaia.
-
Kainnanoan te ibuobuoki: taan kawakina te berita n tei ni matoa ibukin te koaua ao te eti.
-
Kainnanoan te ibuobuoki: ana reirei ni koaua te Uea are Iesu Kristo.”11
Tiaki bwaai aika boou baikai, ma ngkana ti kakaea te tai ni ibuokanibwai n te mwakuri ni kamaiu, ti na karikirakei ara konabwai ni buokiia aika i rarikira. E taku Unimwane Ballad, “Akea te bwai n te aonaaba aio n aron te aomata, ae tararua, ke bitakin te maiu nikorakoran te aine ae raoiroi.”12 Ngkana ti karikirakea mwakara n tamnei rinanon ara tataro ao kamatebwaian booki aika tabu, te ongeaba ae nene, ao te kakaonimaki ni kawakin ara berita, ti na riki n aekan te korakora arei.
Iakuun are Ti Kona N Noria
E taku Beretitenti Brigham Young (1801–1877), “Kam kona n tuangai mwaitinte tamaroa are a kona ni karaoia tina ao naati aine i Iteraera Kam aki,E bon kanganga. Ao te tamaraoa are a na karaoia e na reitinako nakon te maiu are akea tokina.”13
Ana babaire tibu te aine aika raraoi e a tia n roota ana utu n rooro ngkoa are e kona n noria ngke te ateiaine ngaia. Engae n anne, korakoran tamnein te aine n au utu e kerikaki. E karikirakea korakorana n tamnei Nei Cherie man tataraakin tibuna te aine (au tibu mwamwano) Elizabeth. Katotongan ana onimaki ao ana koaua Elizabeth e oki rikaki uoua te roro n aki bati ni kakaonimaki ni buoka tibutoruna E a bita te kawai Cherie n ana utu ae raure ao n oki nakon ana waaki te Ekaretia.
Ngkana ti korakora n te maiu n tamnei nakoia aika mena i rarikira. Korakorara e na ananau rikin riaon are ti kona n noria. Beretitenti Gordon B. Hinckley (1910–2008) e taku, “Ti weteia aine n te Ekaretia ni uaia ni n tei ni bootaki ibukin te raoiroi. A riai ni moanna mai inanon mweengaia. A kona n reiakinna n aia kiraati nako A kona ni kabwarabwaraa inanon aia baronga. …
“I kataua aio bwa teuana te kantaninga ae korakora n te aonaaba are teimatoa rikirakena ni kaitaraa kabuanibwain temanna.”14
Ngkana ti kakoroa nanon te tua aio, ana mwakuri te Uea e na waetata ni kerake n te aonaaba ae katobibira ao, ae moan tebongana riki, inanon ara utu ao ni maiuia ake ti tangiria.