Atatai n noori koauan bwaai aika raba

N na kanga ni karika te kainutu n te tairiki bwa te bwai ae kakawaki?

“Ngkai kam mwakuri ni kakorakorai ami utu ao ni karikirakea te rau, ururing … kainutu n te tairiki ni katoa wiiki. Taratara raoi n aki karaoa am kainutu bwa tii te mwi n iango imwiin te bong ae rang katabetabe. Baireia n tairikin te Moanibong ma am utu a na ikotaki n te mweenga n te tairiki. Tai kariaia bwa ko na mwakuri n te tai anne, takakaro, waaki ni kakukurei riki tabeua, bwaai n reirei ake a na karaoaki n te mweenga, ke bwaai riki tabeua a na kakaawaki riki nakon te tai anne are ko na kabanea n ikotaki n te mweenga ma am utu.

Babairean te tairiki iroum tiaki aron kakawakin te tai are ko karekemwane iai. Te euangkerio e riai n reireiaki aron barongaakina nakon are e aki barongaaki. Karekea bwa te namakin ae nano irouia kain am utu n tatabemaniia.”

Unimwane Richard G. Scott man te Kooram n Abotoro n te Tengaun ma Uoman, “Karika Kakamwakuran te Onimaki bwa Am Moanibwai.” Liahona, Nobembwa 2014, 94.