Tii te Nanaina ao Temanna te Tia Kawakin Tiibu
Te karinrin ibukin te nanai n tiibu e reireiniira taekan ana tararua te Tia Kamaiu ibukiia Ana aomata.
Nneia Ngkoa Tiibu ni Kawakinaki
Te kai te biti
Tia Kawakin Tiibu
Taian oo atibu
Mataroa
Tiibu
Kai ni bana
Oko
Tera aei: te ooni man, ae kainaki n te oo.
Oin bukina: Ni kamanoa te nanai n tiibu mairouia maan ni kakang ao taan ira, ai moarara riki n te tairiki.
Bwaai ao te kateitei: Atiibu, n ae tataneiai te aba, ma aroka aika kateketeke ni katokaaki i tabukin taian oo. Aroka aika matenten ni kateketeke a kabonganaki n angin te tai ni karaoan te oo ibukin te tai ae uarereke n onomwi ibukin neia tiibu, ma te atibu ae uarereke ke te aroka ae te oo ni kakaaki mai imoaia.
Tera ae Ti Kona n Reiakinna
Nneia tiibu bon:
Ike a ikotaki iai taian nanai. Ngkai membwa n te Ekaretia, ti ibuokanbwai n te reitaki ni katiteuanaki rinanon ara onimaki ao ara berita, n ai aron naba rinanon te ikotaki ni kabane n ae koaua. Beretitenti Henry B. Eyring, te Moan Kauntira n te Moan Beretitentii, e reirei: “Te kimwareirei n te katiteuanaki [te Tama are i Karawa] e mwaiti ae tangiria ae e na anganiira te aki kakaokoroaki. Ti riai n ukoukoria ao n tau ibukina ma tabeman. E bon aki kamiimi ngkanne bwa te Atua e kaumakira bwa ti na ikotaki bwa E aonga ni kakabwaiaira. E tangiriira bwa ti na ikotaki inanon te utu. E a tia ni karaoi taian kiraati, uoote, ao mwaanga ao n tua nakoira bwa ti na bobootaki ni kabane n taainako. Inanon bobootaki akanne, … ti kona n tataro ao ni mwakuri ibukin te katiteuanaki are e na anganiira te kimwareirei ao ni kamwaita korakora ni beku” (“Our Hearts Knit as One,” Liahona, Nobembwa 2008, 69).
Te tabo ni kamanoaki ao ni motirawa. Inanon Iesu Kristo e “reke motikan rawan tamneira” (Mataio 11:29). Ana Ekaretia bon “te otanga, ao te nne ni katantan” (D&C 115:6). Ao ngkai Beretitenti Boyd K. Packer, te Beretitenti n te Kooram n Abotoro ake Tengaun ma Uoman, e reirei, “Ti kunea te kamanoaki ao te kawakinaki ibukira … ni karinean ara berita aika tabu ake ti karaoi ao ni karaoi mwakuri ibukin te ongeaba ake a kantaningaki iai taan ririmwin Kristo” (“Bwaai aika I Atai,” Liahona, Meei 2013, 7).
Ni kamanoaki iroun te tia kawakin tiibu. Iesu Kristo bon te Tia Kawakin Tiibu ae Raoiroi are e kamaiuira. E maraki ao ni mate bwa ti aonga n tokanikai iaon te bure ao te mate ao n okira Tamara are i Karawa. Ngkai ti nakon Kristo ao n ongeaba n ana tua, E kakabwaiaira, kamanoira, ao ni kawakinira ngaira n tatabemanira ao n aron ae Ana aomata ni berita.