E raoiroi te nako n taenti ke ni bootaki ake I ataia bwa bwaai aika buakaka a na karaoaki iai, n te aro bwa I aonga n riki bwa te banna ni katoto ae raoiroi?

Kamatata n te tamnei iroun David Stoker

Titirakiniko ibon iroum: “Aekakin katoto raa aika I bon iangoia ake N na katei n aro akanne?” Ngkana ko kan nakon tabo are iai taian turaki ke kamangin iai, onea aika kabwakabwaka, katangitang aika rinerinaki man te raereke, ke mwaie ni kabwakabwaka, ko na kanga ni kaotia nakoia aomata mwaitin te kakukurei are a kona n reke nakoia n akean bwaai akanne? Tera ae a kona n iangoia aomata ake a katobibiko—“Tiaki anne te katoto ae korakora n te onimaki ao te kainibaire?” ke “Bukin tera e roko te aomata anne?” N angiin bwaai aika a riki, ko na riki bwa te banna ni katoto ae tamaroa riki ngkana ko aki nako, ibukina bwa ko aki tangiria n am atatai n nikiriko nakon te kariiriaki.