Te Kawai ae Eti
Iroun Unimwaane Claudio D. Zivic
Man te Itingaun
Man “Let’s Not Take the Wrong Way,” Liahona, Meei 2014, 39–41.
Ti tuangaki bwa ti na ongo ana taeka te Atua anne are e karikiira” (taraa D&C 43:23).
N ririki aika bwakanako Ngai ma au utu ti kawara te Arches National Park i Utah, USA. Teuana mai buakon te kabanea n tamaroa ao ni kinaaki n te arch n te tabo ni bwaake ae Delicate Arch, ao ti baireia bwa ti na tamwarakea te maunga ni karoko iai.
Ti waaki ma te ingainga n nano, ma n te tai ae waekoa ake temwangina a tangiria ni kan motirawa. I tangiria ni kan roko ikekei n te tai ae waekoa, ngaia are I a nako n tii ngai. N aki kabanea raoi nanou nakon te kawai are I riai n toua, I a moanna n ririmwin te mwaane ae e taraa n ataa te tabo are e na nako iai.
E a moanna ni matoatoa te kawai n tamwarakeaki. I kakoaua bwa au utu a na bon aki roko iai. N te tai ae waeka I a noora Delicate Arch, ma inanon miimiu, I aki kona n roko iai. Te kawai are I toua e aki kairai nakon te arch.
I boni kua ao n okirikaaki. I tataninga ma te taotaonaki n nano ni karokoa are I a manga kaitibo riki ma kain au kurubu. A tuangai bwa a tia n irii taian kanikinaa ni kaota te kawai ae eti, ma te karaurau ao te konabwai, I a roko n Delicate Arch. N aki tetekeraoi, I a toua te kawai ae kairua. Te reirei tera ae I reiakinna!
Tai kabua matam ibukin kawaim nakon te maiu are akea tokina ma Tamam are i Karawa. Irii reirein te euangkerio ao tuua ake ko reiakin, ao ko na tiku iaon te kawai ae eti ni maiu ma Ngaia n aki toki.