Ibukin Iotebwa

Iroun Ted Barnes

Bootaki ni Mwakuri n te Nakoanibonga

Atai onoua kawai inanon maium (ke e kona n) bitaki ibukin te Burabeti Iotebwa Timiti.

Painting of a young boy kneeling looking up at a grove of trees. At the center of the painting is a young boy (age 14) kneeling. His hands are resting on his thighs and he looks up at a light source above his head. The boy wears grey trousers (with suspenders) and grey vest and an off-white shirt. The shirt has a collar and two button placket at the front and the sleeves are rolled. The young boy had blond hair that is slightly rumpled. The background his a grove of trees, almost all with no leaves. There are some low saplings immediately behind the boy. The foreground has rocks, twings and small plants sprouting. "Walter Rane 04" appears in the lower right corner in red.

Iotebwa Timiti e mate e raka iaon 170 te ririki n nako. E maiu tii inanon 38 te ririki, ni kabanei mwaitin ana tai akanne n tabo aika raba n te aro are tao kona bon aki kona n atai ma tii iaon mwabe ake a kamatataaki. Ao tao kona taneiai ma bwaai aika a mwaiti ake e karaoi inanon maiuna. Ma ko a tia n iangoa aron nakoraoina n roota maium? Ngkai a bon mwaiti kawai akanne ni kona ni warekaki, ko na kona ni waaki ma aika onoua.

Ibukin Iotebwa Timiti:

1. Ko ataia raoi bwa antai te Atua ao Iesu Kristo.

Tao ngkana tiaki ibukin Iotebwa Timiti, ko na bon teimatoa naba ni kakoaua te Atua te Tama ao Iesu Kristo. Ko kona ni karekei kakoaua n te Baibara. Ma iangoia bwa nanora riki ao mwaitira riki otam ibukin bwaai ake e karekei Iotebwa Timiti—te ninikoria, kamatoai kakoaua n ana Boki Moomon, Doctrine ao Covenants, ao Pearl of Great Price. Te katoto, ko ata te bwai teuana are angiina te aonaaba a aki: bwa te Tia Kamaiu are manga uti e kaoti i Amerika—kakoauai, n Ana taeka, bwa tiaki Ti “Atuan Iteraera, [ma ngaia naba] Atuan te aonaaba ni kabuta” (3 Nibwaai 11:14).

Iangoia bwa e kanga am koaua iroun Tamara are i Karawa ao Iesu Kristo ni kakorakoraaki man mwaakan aia kakoaua burabeti n aron Nibwaai, Aramwa, ao Moronai—n aki tii taekina Iotebwa Timiti, are e taekinna bwa E maiu! Bwa e nooria te burabeti bon i angatain te Atua” (tara D&C 76:22–23). N te bongina ngkana te onimaki iroun te Atua ao Iesu Kristo a riki bwa kakaewenako ao n angiin te tai a kationakoaki, ai kakabwaiara ngaira ni karekea te ota ae raka!

2. Ko ataia bwa ngkoe natin te Atua—ao ai aroia naba aomata nako.

Youth in the Philippines are walking in a line and laughing and holding hands.

Tao te kabanea ni kakaawaki ni koaua are e kaokia Iotebwa Timiti bon te koaua n arora ma te Atua.¹ Bon ngaia Tamara. Ko a tia n tei n iangoa te bwai are e koaua imwiin te koaua anne? E bita aron taraakim ibon iroum, ko ataia bwa ngkoe natin te Atua ae tangiraki: n aki taraa are e iangoia te aonaaba ibukim, ko ataia bwa ngkoe natin te Atua ae tangiraki, ma uaana inanom. E bita aron taraakiia tabeman: n te tai ae tawe ni kabane—aomata nako—bon tarim ao mwanem. E bita aron taraakin te maiu: ni kabane kakukurei iai ao kataaki bon mwakoron ana baire Tamara are i Karawa ni buokiko n riki bwa ngkoe Ngaia. Tiaki te bwai ae aki tau n aneneaki n te Buraimwarii!²

3. Ami utu e kona n riki bwa te utu ae akea tokina

Family posing together on a street in Hong Kong.

Bukin tera ngkai a rang mwaiti aomata aika aki maatata n taekan kakawakin te mare ao te utu? Tao bukina a bon aki ata te reirei, are e kaokaki rinanon Iotebwa Timiti, bwa te mare ao te utu a katabuaki iroun te Atua ao a kananonaaki bwa a na riki bwa akea tokiia (tara D&C 49:15; 132:7). Aikai tiaki tii katei aika karaoaki irouia aomata ake a aikoa kainnanoaki ibukiia ara botannaomata aika a mwaiti kurikuri—bon ngaiia mwakoron te baire ae akea tokina i karawa. Ao te kakaitau nakon kiingin te nakoanibonga ao otenanti n te tembora ake a kaokaki rinanon Iotebwa Timiti, am utu ae akea tokina a kona ni waaki ikai iaon te aba.

4. Ko kona ni karekea te nakoanibonga ao ana kakabwaia.

Filipino church members during a sacrament meeting.

Ibukina bwa te Atua e kaoka Ana nakoanibonga rinanon Iotebwa Timiti, ko kona ni bwabetitoaki, ao ni karekea ana bwaintangira te Tamnei ae Raoiroi. Ko kona ni karekei kakabwaia ni katoki aoraki, karaunano, ao ni kairiiri. Ko kona ni karaoi berita aika a tabu are e kabaeko nakon te Atua. Ao ko kona ni kaboui am berita aika a tabu ni katoa wiiki ngkana ko kana te toa. Rinanon otenanti n te nakoanibonga, mwaakan te Atua e rin inanon maium (tara D&C 84:20–21). Akea man aei ae e kona n riki ngkana akea te mwakuri are e katiaaki rinanon Iotebwa Timiti.

5. Kam kainaomataaki man anua aika a kareke ni kabonganaan bwai aika a urubwai.

Two young men in DR Congo playing basketball.

Ke man ae uarereke ko kona ngkana ko ongotaeka nakon te kaotioti are e karekea Iotebwa n 1833—e maan imwain kakoauakin te bakee bwa e karika te kaentia nakon te mama ao te arokoro e riki iai aorakin te ato man te onaoraki. Ngkana iai am burabeti are e kaota te wanawana mai iroun te Atua, bukin tera bwa ko na tataninga wanawanan te aonaaba ae waeremwe bwa e na roko n te atatai anne? Taekan Tuan te Mauri e kaotia bwa te Atua e tabe tiaki tii ibukin tamneira ma bon rabwatara naba (tara D&C 89). Kaotakin te bwai ae e iangoaki, ngkai e kabwarabwaraaki n te kaotioti nakon Iotebwa Timiti, karekean te rabwata e karikiira riki—aki kerikaki—n aron Tamara are i Karawa, are iai naba rabwatana n iriko ao n rii (tara D&C 130:22).

6. Ko kona n ata te koaua ibon iroum rinanon te Tamnei ae Raoiroi.

A young Polynesian woman kneeling in prayer beside her bed.

Ngke te kairake Iotebwa e nakonako inanon te Buakonikai ae Tabu n 1820, te koaua ae e tabangaki irouia ekaretia aika a mwaiti bwa te kaotioti e aki kona ni manga reke. Ana moan mii ni burabeti Iotebwa e kakoaua anne bwa e kairua. E uki karawa—ao tiaki tii nakoia burabeti. Aomata nako ake iai aia titiraki a kona ni karekea te kaeka rinanon te nanorinano, te botumwaaka n ukeuke (tara D&C 42:61; 88:63). Te katoto, ko kona n ataia ibon iroum bwa Iotebwa Timiti bon ana burabeti te Atua n aron naba are e kunea Iotebwa: man titirakinan te Atua.

Te riiti aei bon tii te moan waaki. Tera are kona karinna? E kanga maium ni bitaki ibukin Iotebwa Timiti?

Iira te Kakarabakau

Bwaai aika a na Iangoaki raoi ibukin te Taabati

N na kanga ni kakorakora riki au koaua iroun te Burabeti Iotebwa Timiti?
N na kanga ni kona ni katamaroa riki kaotakin au kakaitau ibukin te burabeti ae maiu rinanon taeka ao mwakuri?

Bwaai aika Ko Kona ni Karaoi

N te ekaretia, ma am utu ao raoraom, ke n te kanakobwana, tibwaa aron te Burabeti Iotebwa Timiti ni bita maium.
N aron are e karaoia Iotebwa Timiti, butiia Tamam are i Karawa ao Koroi am titiraki. Anaa te tai ni katorobubua n tataro ao ni butiia ibukin te kairi. Imwiina, tataninga ao kakauongo nakon iango ke namakin. Korei am iango n am tienero.
Wareka ana taeka “Joseph Smith” iroun Unimwane Neil L. Andersen man te Kooram n Abotoro ake Tengaun ma Uoman man Okitobwa 2014 maungatabu ni kabuta. Karaoa am baire bwa ko na karaoi nanon uoua iango ake e anga iaon katean ao tibwaakin am koaua iroun Iotebwa Timiti.