2015 оны 10-р сарын чуулганы тэмдэглэл

Амьд бошиглогч, төлөөлөгч, Сүмийн бусад удирдагчийн хамгийн сүүлд заасан зүйлсээс суралцаж, тэдгээрийг амьдралдаа хэрэгжүүлэхэд тань туслах 2015 оны 10-р сарын Ерөнхий чуулганы хэлсэн үгсийг судлахдаа эдгээр хуудсыг (мөн дараагийн дугаарууд дахь чуулганы тэмдэглэлийг) ашиглаж болно.

“Их Эзэн миний бие ярьснаа би ярилаа, … харин миний өөрийн дуу хоолой байна уу, эсвэл миний үйлчлэгчдийн дуу хоолой байна уу, энэ нь яг адил, бүгд биелэгдэх болно” (C ба Г 1:38).

Шинэ онцгой гэрчүүд

“Би Аврагчийн цагаатгалд талархан, энэ тухай Алмагийн адил Бурханы бүрээн дуугаар зарлахыг хүсэж байна.” —Ахлагч Роналд А.Расбанд, “Би гайхширна,” 90.

“Хийж чадахгүй зүйл дээрээ бус, харин хийж чадах зүйл дээрээ анхаарлаа хандуул гэсэн … нэгэн тодорхой сэтгэгдэл надад төрсөн юм. Би сайн мэдээний тодорхой хийгээд эрхэм үнэнүүдийг гэрчилж чадна.” —Ахлагч Гари И.Стивэнсон, “Тодорхой хийгээд эрхэм үнэнүүд,” 92.

“Би Есүс Христийн жинхэнэ дагалдагч байхыг бүхий л зүрх сэтгэлээсээ хүсэж байна. Би Түүнд хайртай, мөн Түүнийг дээдлэн хүндэлдэг. Би Түүнийг амьд, бодит гэдгийг гэрчилж байна. —Ахлагч Дэйл Г.Рэнланд, “Бурханы мэлмийгээр харах нь,” 94.

Танд зориулсан хариултууд

Чуулган бүрээр бошиглогч, удирдагчид Сүмийн гишүүдэд гарч болох асуултуудад сүнслэгээр нөлөөлөгдсөн хариултууд өгдөг. Эдгээр асуултад хариулт авахын тулд 2015 оны 11-р сард хэвлэгдэн гарах сэтгүүлийг ашигла эсвэл conference.lds.org сайтаар зочилно уу.

• Сүм яагаад зарим хүнд бусад хүнд өгдгөөс илүү ашиг тусаа өгч байгаа юм шиг санагддаг вэ? Дийтр Ф.Угдорф, “Сайн мэдээ ашиг тусаа өгдөг!” 20-ийг үзнэ үү.

• Биднийг Сүмтэй аюулгүй бэхэлж чадах ямар үнэн ба сургаалууд байдаг вэ? М.Рассэлл Баллард, “Бурхан залуур дээр байна,” 24-ийг үзнэ үү.

• Яагаад Сүмд ахмад удирдагчдын албанд настай хүмүүсийг сонгодог вэ? Дэвид А.Бэднар, “Миний нэрийг гэрчлэхээр сонгогдсон,” 128-ыг үзнэ үү.

• Би сүмд явахгүй байсан ч өөрийгөө сүнслэг гэж үздэг байхад, заавал яагаад сүмд явах хэрэгтэй вэ? Д.Тодд Кристоффэрсон, “Сүм яагаад хэрэгтэй вэ?,” 108-ыг үзнэ үү.

Ерөнхий чуулганы үгсийг conference.lds.org-оос уншиж, үзэх эсвэл сонсох боломжтой.

• Итгэл бол сонголт юм

  Neil L. Andersen

• Гэрлээ гэрэлтүүл

  Thomas S. Monson

• Ариун ёслол