Ua Agavaa Min-Jun
E alala le tusitala i Colorado, ISA.
“Iesu o se uo lelei. … atu ia te Ia” (Tusipese a Tamaiti, 37).
Sa sioa atu Min-Jun i fafo i le faamalama i ao. “E foliga mai o le a timu taeao,” na ia fai mai ai.
Sa tilotilo atu Tamamatua mai lana nusipepa ma luelue atu [lona ulu]. O le faaiuga lenei o le taumafanafana i Seoul, Korea i Saute ma faatoa amata le vaitau timuga.
Na tuu e Min-Jun se faamalu i talaane o ona ofu mo le Aso Sa. “Ou te manatu e tatau ona tatou vave o taeao.”
Sa ataata tamamatua. “Manaia. E tatau ona tatou savavali i le ala umi, nei tei ua lolovaia le auala maualalo.”
“E te manatu o le a lelei lava le fale Lotu?” O le fesili lea a Min-Jun. Na lolovaia le fogafale a lalo i le tausaga ua tea i le vaitaimi o le vaitau timuga.
“Ioe,” o le tala lea a Tamamatua. “Ae e leai se mea e afaina ai le tatalo.”
“O le a ou tatalo la mo le lotu nanei. Ma ina ia tatou taunuu atu iina ma le saogalemu. Jal-ja-yo (tofa).” Na ifo atu Min-Jun ma alu loa e moe.
I le taeao sa latou vave o ese mai le fale. Na tilotilo i luga Min-Jun i ao pogisa ia ua faatumulia ai le lagi.
“Ia faatuatua,” o le tala lea a Tamamatua,
Na mulimuli atu Min-Jun ia Tamamatua i luga o le fasitepu vaapiapi i le mauga e lata ane i lo latou fale. Sa latou tutu i le pito i luga e to a latou manava. Ua amata ona susu o latou ofutino papae mai le vevela o le ea.
Sa tuu atu i fafo le lima o Tamamatua ina ia faalogoina ia uluai mataua o le timu. “O e lagonaina le mea le la?” Ua amata ona timu.”
Sa tatala a la faamalu. Na oo atu i le taimi la te taunuu ai i le isi fasitepu, ua vave ona oo mai le timu. Na taupulapula atu Min-Jun ia iloa sitepu taitasi i le timu. “Awola!” sa ia ee mai ina ua see ma pau i lona tulivae.
“O e lavea?” Na fesili ai Tamamatua. Na ia punou atu i lalo e vaai i le pu i le ofuvae o Min-Jun.
“Ua na o se maosi,” na fai mai ai Min-Jun ma le tetete o lona leo.
“E mafai ona fai i le lotu,” o le tala lea a Tamamatua.
Na savalia e Min-Jun ma Tamamatua le vaega o totoe o fasitepu ma pio agai i le auala maualuga.
“E malosi atu le matagi i luga iinei,” o le tala lea a Tamamatua, ma uumau lana faamalu. Sa tau le mafai ona taofi e Min-Jun lana faamalu. Na faafuasei lava ona oo mai se matagi ma faamafitiina le faamalu ma masae ai. Na faatautau tauau o Min-Jun.
Sa faalala atu e Tamamatua lana faamalu. “Sau i lalo o la’u [faamalu]. Toeitiiti a a ta oo.”
Na faasoa e Min-Jun ma Tamamatua le faamalu, ae na le mafai ona taofia ai le faaauau ai pea o le timu. Ao la latalata atu i le lotu, sa lagona e Min-Jun le tata mai o le musika.
“Ua leva ona amata!” Sa tamoe atu Min-Jun i faitotoa o i luma. Ona ia iloa atu lea o lona ataata i le tioata. O lona ulu e mesi ma susupala, o lona ofuvae ua masae, ma ua palapala ona seevae. Sa ia mimigi ese mai le faitotoa ma toe foi i le fasitepu.
“E … e le mafai ona ou alu i totonu,” o le taumemumemu atu lea a Min-Jun.
“O lena lava e lelei ou foliga,” na fai atu ai Tamamatua.
“Ae ua ou palapala ma susu uma!”
Sa tilotilo atu Tamamatua ia Min-Jun, ona tilotilo atu lea i le fua timu o loo nonoa i le pa.
“E faigofie ia ona fua le timu, Min-Jun, ae faapefea ona tatou fuaina i tatou lava?”
Sa tau pulapula atu Min-Jun ia Tamamatua.
“Ua e vaai i seevae palapala, tulivae ua maosia, ma le ulu ua mesi uma, ma ua e manatu ai e te le o agavaa,” o le tala lea a Tamamatua. “Ae ua ia Iesu Keriso se auala sili atu ona lelei mo le fuaina o le [agavaa]. O loo Ia silasila atu i lou loto ma silafia ai o loo e faia se mea sao. A e fuaina lou tagata i Lana ala, o le a vaai ai i le faatumulia o le fua.”
Sa tilotilo atu Min-Jun i le fua timu. Sa faaauau pea ona faateleina i mataua taitasi o le timu. Sa ia mafaufau i le faigata o le ala sa ia faia ina ia oo atu ai i le lotu ma le mafanafana ma le fiafia sa ia lagonaina ina ua ia i ai iina. Sa ia mafaufau i lona alofa tele i le Faaola ma le alofa tele o le Faaola ia te ia.
Sa opoina e Min-Jun Tamamatua, ma sa la savavali fatasi atu i totonu o le lotu.