Savali a Faiaoga Asiasi
O Le Faamoemoega o le Aualofa
Ia suesue ma le agaga tatalo lenei savali ma saili ia iloa mea e faasoa atu.
O le faamoemoega o le Aualofa o le “saunia lea o tamaitai mo faamanuiaga o le ola faavavau,” o le saunoaga lea a Linda K. Burton, Peresitene Aoao o le Aualofa.1 E ala i le faatuatua, aiga, ma le toomaga lea tatou te auai ai i o tatou “vaega paia i le galuega.”2
O le Aualofa “o se galuega faaletino ma faaleagaga,” o le tala lea a Carole M. Stephens, Fesoasoani Muamua i le Au Peresitene Aoao o le Aualofa. “O mea na sa faia e tamaitai i aso o le Faaola, ma o mea na tatou te faaauau pea ona faia.”3
Ao tatou vaai i le fafine Samaria i le vaieli, o le sa tuua lana fagu ma tamoe e tau atu i isi o Iesu o se perofeta (tagai Ioane 4:6–42), po o ia Fipe, o le sa auauna atu ma le fiafia i isi i lona olaga atoa (tagai Roma 16:1–2), tatou te vaai i faataitaiga a tamaitai i aso o le Faaola o e na faia se vaega malosi e o atu ia Keriso. O Ia lava e tatalaina lo tatou auala i le ola e faavavau (tagai Ioane 3:16).
A o tatou vaavaai i o tatou uso paionia i Navu, Ilinoi, o e na faapotopoto i le fale o Sara Kimball i le 1842 e faatulaga ai lo latou lava faalapotopotoga, tatou vaai i le fuafuaga a le Atua i le faatulagaina o le Aualofa ma ia mulimuli i le perisitua. Ina ua maea ona tusia e Eliza R. Snow se pepa o faamatalaga o i ai mataupu faavae, sa iloiloina e le Perofeta o Iosefa Samita. Sa ia silafia ai sa lei atoatoa ona faatulagaina le Ekalesia seia faatulagaina tamaitai. Sa ia saunoa mai sa taliaina e le Alii lo latou taulaga ae sa i ai se isi mea e sili atu. “O le a ou faatulagaina tamaitai e ala i le perisitua ma le mamanu o le perisitua,” o lana saunoaga lea.4
“O le Aualofa sa le na o se tasi vaega o tamaitai sa taumafai e faia mea lelei i le lalolagi. E ese. O se ‘mea e sili atu’ aua sa faatulagaina i lalo o le pule a le perisitua. O lona faatulagaga o se laasaga e tatau ai i le folasiaina o le galuega a le Atua i le lalolagi.”5
Mau ma Faamatalaga Faaopoopo
Mataupu Faavae ma Feagaiga 25:2–3, 10; 88:73; reliefsociety.lds.org
Faatuatua, Aiga, Toomaga