O Le Fuafuaga o le Faaolataga

Peresitene Thomas S. Monson, “O Le Ala Atoatoa i le Fiafia,” Liahona, Nov. 2016, 80–81.

“E taua i le fuafuaga [o le faaolataga] o lo tatou Faaola, o Iesu Keriso. Ana le aunoa ma Lana taulaga togiola, semanu e leiloloa tagata uma. Peitai, e le lava le tau na ona talitonu ia te Ia ma Lana misiona. E manaomia ona tatou galulue ma aoao, saili ma tatalo, salamo, ma faaleleia. E manaomia ona tatou iloa tulafono a le Atua ma ola ai. E manaomia ona tatou mauaina Ana sauniga faaola. E nao le faia lava o lena mea o le a tatou maua ai le fiafia moni, e faavavau.

“Ua faamanuiaina i tatou i le i ai o le upumoni. Ua ia i tatou se tiute e faasoa atu le upumoni. Ia tatou ola i le upumoni, ina ia tatou mauaina mea uma ua i ai i le Tama mo i tatou. E leai ma se mea Na te faia vagana ai o mea mo lo tatou manuia. Ua Ia fetalai mai, ’Faauta, o la’u galuega ma lo’u mamalu lenei—ia aumaia le tino ola pea ma le ola faavavau o le tagata’ (Mose 1:39).

“Mai le taele o lo‘u agaga ma i le lotomaualalo atoa, ou te molimau atu i le meaalofa sili, o le fuafuaga lea a lo tatou Tama mo i tatou. O le ala atoatoa e tasi i le filemu ma le fiafia iinei ma i le lalolagi a sau.”