O le a le manatu a le Ekalesia i le faanoanoa, ma le auala e tatau ona ou taulimaina ai le faanoanoa?

E lagona e tagata uma le faanoanoa mai lea taimi i lea taimi, ma o le talalelei toefuataiga a Iesu Keriso ma le lagolago a aiga, taitai ma isi e mafai ona fesoasoani ia i tatou ia maua le toafimalie, olioli ma le filemu. Ae ua faailoa mai e taitai o le Ekalesia, o le faaletonu tuga o le faanoanoa, po o le mea ua taatele o le faaletonu o le faanoanoa (MDD), o se tulaga e sili atu ona matautia lea e mafai ona faalavelave i le gafatia a se tagata e galue atoatoa ai. Ua fautuaina mai e Elder Jeffrey R. Holland o le Korama a Apsetolo e Toasefululua ni nai mea e fai pe afai o loo e feagai ma faanoanoaga matautia:

• Aua nei aveesea le faatuatua i le Tama Faalelagi ma Iesu Keriso.

• Ia fai mea e aumaia ai le Agaga i lou olaga (tatalo, suesue tusitusiga paia, ma isi mea).

• Saili fautuaga mai matua ma taitai perisitua.

• Ia maua ni faamanuiaga faaleperisitua.

• Ia ai ma inu i le faamanatuga i vaiaso taitasi, ma uu mau i folafolaga o le Togiola a Iesu Keriso.

• Mataitu mo faailoga o le faanoanoa e pei o le atuatuvale, ona faia lea o ni suiga.

• Afai e tumau pea lou faafitauli, talanoa i matua poo taitai perisitua e uiga i le sailia o le fautuaga po o ni tagata tomai o i ai ni aoaoga faamaoniaina.

(Tagai “Peiseai o se Ipu ua Nutililii,” Liahona, Nov. 2013, 40-42.)