Mataupu Faavae ua Faamamafaina
O Le Salamo o le Meaalofa a le Atua ia i Tatou
“O se tasi o faaupuga tatou te faalogo soo ai i nei aso e faapea o le alofa o le Atua e ‘le faatuaoia.’ E ui i se tasi lagona e moni ai, ae o le faamatalaga le faatuaoia e le o maua i tusitusiga paia. …
“O le a alofa pea le Atua ia i tatou, ae e le mafai ona Ia laveai i tatou i a tatou agasala. Manatua upu a Amoleka ia Seseroma o le a le laveaia e le Faaola Lona nuu i a latou agasala ae mai a latou agasala, o le mafuaaga o lena mea ona o le agasala tatou te eleelea ai ma e ‘le mafai e se mea ua le mama ona mautofi i le malo o le lagi’ [Alema 11:37] pe nofo foi i le afioaga o le Atua. …
“Mai le Tusi a Mamona ua tatou aoao o le faamoemoega o puapuaga o Keriso—o le faailoaga sili o Lona alofa—e ‘aumai ai loto o le alofa mutimutivale, ia ua faumalo i le faamasinotonu, ma aumai ai ala i tagata e mafai ai ona latou maua o le faatuatua e salamo ai’ [Alema 34:15]. …
“O le salamo, o Lana meaalofa lea ia i tatou, na faatauina i se tau taugata tele.”