O La Tatou Avanoa

I luga: O lenei ata ua fai ma sui o le alofa o le Atua mo au faaletagata lava ia ma mo ou uso, o se tasi o loo avea nei ma se faifeautalai faamisiona. O le talalelei a Iesu Keriso o se olioli lemafaamatalaina i o matou olaga.

Kenia R. i le Malumalu o Monterrey Mekisiko

Taliaina o le #Lui o le Malumalu

Sa ou papatiso i le 2012 ma auai i se paranesi i le Itu o Ipoméia Pasila. Talu mai le 2014, sa ou matua gauai lava i le talafaasolopito o aiga. Sa amataina i le valaaulia mai ia Elder Neil L. Andersen o le Korama a Aposetolo e Toasefululua i RootsTech e faia papatisoga mo ou lava igoa faaleaiga. Sa lagona le matua tuuto i le faia o talafaasolopito o aiga, ma le iloaina afai ou te “tuitui atu,” ona “toina ai lea” (tagai Mataio 7:7).

I le taimi nei ua ou maua le tele o augatupulaga, ata, pepa o faamatalaga, ma, e sili ai ona taua, o le tele o tala faaleaiga, lea e manaia. O le mauaina o lenei faamatalaga, sa ou tusia ai se tusi faatasi ma ata ma aso mai i lau talafaasolopito faaleaiga. O lenei galuega faatino na fesoasoani ia te au e faafesootai tagata o lou aiga e le auai i le ekalesia ma tuuina mai ia te au le avanoa e faasoa ai lau molimau i le mafai e aiga ona faavavau.

O lenei galuega sa fesoasoani ia te au e tu ai i nofoaga paia, tumau le malosi i le Ekalesia, ma tali le valaauga e auauna atu i le Alii i se misiona.

O loo ia te au se molimau e faapea o le galuega o le faaolataga e faia e lenei Ekalesia i itu uma e lua o le veli, e moni ma sa musuia e lo tatou Tama Faalelagi. Ao lei alu i lau misiona, sa ou maua le avanoa e faia ai papatisoga mo ou tuaa, ma o le taimi nei i le avea ai o se faifeautalai ua ou maua le avanoa e papatiso ai tagata o e o soifua ma finagalo e suia o latou olaga e faavavau.

Elder Claudio Klaus Jr., Misiona Arizona Mesa