Manatu mo Afiafi Faaleaiga

O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“Lototele i la Tatou Molimau i le Faaola,” itulau 28: O loo talanoaina e Elder Golden le ala o le a tatou fetaiai ai ma taimi faigata ae taua i o tatou olaga. E mafai ona e faatinoina i se tala le tele o tulaga lea e fetaiai ai tagata o le aiga ma se faaiuga faigata. Mo se faataitaiga, atonu e mafai ona e faataitai le fai atu leai i se tagata o le vasega lea na talosaga atu e kopi i lau meaaoga pe fai atu i se uo e faaaoga le gagana mama. Talanoa i le auala e mafai ona e saunia ai e ala i le atinaeina o se molimau malosi e uiga i le Faaola ao lei tulai mai ia tulaga.

“Mata e tali mai le Tama Faalelagi i au tatalo i taimi uma?” itulau 69: Na faapefea ona e iloa ua tali mai au tatalo? Atonu e mafai ona e faasoa atu ni aafiaga patino lea na tali mai ai e le Alii au tatalo, pe na tali mai i se auala na e faamoemoeina pe lei faamoemoeina. Mafaufau e uunaia e le tasi le isi ina ia faamaumau i se api talaaga ni auala faapitoa na tali mai ai e le Alii au tatalo ma faamanuiaina ai oe.