Aisea e avea ai ma agasala tele atu le le loto faamagalo nai lo le faia o se mea sese i se isi tagata?

Ua aoao mai le Alii, “E tatau ona outou faamagalo i le tasi; ona o ia o lē e lē faamagalo atu i lona uso i ana agasala, e tu taʼusalaina o ia i luma o le Alii; aua e tumau ia te ia le agasala tele atu.

“O Au, o le Alii, Ou te faamagalo i le o le a Ou faamagaloina, ae o outou ua poloaiina ia faamagalo atu i tagata uma” (MF&F 64:9–10).

A tatou le faamagalo atu, ua tatou tuuina la tatou faamasino faatapulaa i luga atu o le faamasino atoatoa a le Alii. Ua ia te Ia se vaaiga atoatoa o loto ma tulaga o tagata, ma ua na o Ia lava e mafai ona faamasino. O le a iu lava ina Ia tuuina atu le faamasinoga tonu ma le alofa mutimutivale atoatoa i tagata uma—i latou uma o e na faia mea sese i isi ma i latou e leai se sala ae na tuaifuaina.

E le gata i lea, e ala i le manaomia ona tatou faamagalo atu, o loo fesoasoani mai le Alii ia i tatou ina ia filifili le fiafia i lo le faanoanoa, ia lafoai ni o tatou lagona ita ma le le fiafia ae ia maua le faamalologa e ala i Lona alofa tunoa. Ona tatou iloa lea, e pei o le faamanatu mai a Elder Kevin R. Duncan o le Fitugafulu ia i tatou, “O le Togiola a le Faaola e le mo na o i latou e tatau ona salamo; e mo i latou foi e tatau ona faamagalo atu.” (“O Le Uu Faamalolo o le Faamagaloga,” Liahona, Me 2016, 35).