Toʻu Tupú
Ne u ʻOsi Fili
ʻOku nofo ʻa e tokotaha naʻá ne faʻú ʻi ʻIutā, USA.
Ne u ako ha lēsoni mahuʻinga lolotonga e kalasi Finemuí kau ki he maʻa fakasekisualé—ko ha kaveinga naʻá ne fakatupu ha ongoʻi taʻefiemālie ʻi he kau finemuí. ʻOku ʻikai ke u manatu ki he meʻa kotoa pē naʻá ku ako ʻi he ʻaho ko iá, ka ʻoku ou manatu naʻe fakamatala heʻeku taki Finemuí ki he taha ʻo ʻene ngaahi tuʻunga ʻulungaanga fakatāutahá—ke maʻa fakasekisuale maʻu pē. Naʻá ku manatu ki heʻene leá, pea ne u fakakaukau leva ke u fokotuʻu ia ke hoko ko e taha ʻo ʻeku ngaahi tuʻunga ʻulungaanga mahuʻinga fakatāutahá.
ʻI ha ʻaho ʻe taha ne u heka pasi mai ai mei ha polokalama sipoti, naʻe hanga ʻe ha taha ʻi he pasí ʻo fakalanga ha vaʻinga ʻo e moʻoní pe poleʻí. Koeʻuhí naʻa mau taʻeoliʻia, ne u kau atu ai mo e niʻihi ʻo e tamaikí. ʻI hoku taimí, naʻe poleʻi ke u fai ha meʻa ne u ʻilo naʻe ʻikai ke totonu. Ne mei hoko ʻeni ko ha fili faingataʻa ke u fai, ka naʻá ku manatu ki he ngaahi lea ʻo ʻeku taki ʻi he Kau Finemuí, pea naʻe faingofua leva ʻa e filí. Naʻe vave ʻeku fili ke ʻoua te u kau ʻi he vaʻingá. Ne u ʻosi tomuʻa ʻiloʻi pē ʻa e fili ke u faí ʻi he tūkunga ko iá.
ʻOku ou ʻiloʻi ko e taimi ʻoku tau ʻalu ai ki he lotú ʻo feinga ke ako ʻa e ngaahi meʻa ʻoku akonekina kitautolu ki aí, ʻe tāpuekina kitautolu ʻaki ha ivi mo e maluʻi fakalaumālie lahi ange mei he ngaahi ʻahiʻahi ʻo e māmaní.