Tuliki ʻo e Fehuʻí
Ko e taimi ʻe niʻihi ʻoku ou matalili ʻi hoku fāmilí. Ko e hā te u lava ʻo faí?
Lotu ʻo kole ki he Tamai Hēvaní ke Ne tokoniʻi koe ke ke angalelei ki hoʻo fāmilí. Fāʻofua kiate kinautolu.
Noa F., taʻu 10, Kuinisilani, ʻAositelēlia
Silia: Feinga ke manatu ki he ngaahi taimi fakafiefia naʻa mou maʻú, pea fakakaukau ki he ngaahi taimi ko iá mo manatu ʻoku ʻikai ke haohaoa ʻa e kakaí.
Puluna: Neongo kapau he ʻikai ke nau “kole fakamolemole,” te u fakamolemoleʻi pē kinautolu.
Silia mo Puluna R., taʻu 13 mo e 8, Sā Paulo, Palāsila
Kapau ʻe fakaʻitaʻi au ʻe hoku tehiná, te u fakamaau hono mohengá pe fai ha meʻa lelei kiate ia. ʻOku ou toe saiʻia foki ke ngaohi e ʻū kātí, fakahoko e ngaahi ngāue makehe, mo fai ha lotu. ʻOku ou ongoʻi e Laumālié ʻoku pehē mai ne u fai e meʻa totonú.
ʻAtelaine B., taʻu 9, Tenesī, USA
Te u fai ha lotu, fakahoko e efiafi fakafāmili ʻi ʻapí, pea talanoa lelei mo kinautolu.
Luʻisa R., taʻu 9, Paha Kalefōnia, Mekisikou
Sulia: ʻOku ou lava ʻo angaʻofa ki hoku fāmilí, ko e taimi ʻoku ou ʻita aí, ʻoku ou talaange ʻeku ʻofa ʻiate kinautolú peá u angalelei leva. Te u lava ʻo muimui ki he Fakamoʻuí pea fakahā kiate kinautolu ʻa e ʻofá.
Tālini: Fiefia pē pea fevahevaheʻaki mo tokoniʻi kinautolu.
Sulia mo Tālini S., taʻu 8 mo e 6, Niu Mekisikou, USA