Ngaahi Fakatātā ʻo e Tuí
Markus Tilgner
Saxony Anhalt, Siamane
‘I he 1989, naʻe foaki kia Mākosi, Kēleni mo hona foha taʻu tolú, ha ngofua ke nau mavahe mei honau ʻapi ʻi Siamane Hahaké ka nau folau ʻeveʻeva mālōlō ki Hungali. Lolotonga ‘enau ʻi aí, kuo fakaava ʻe Hungali honau kauʻāfonuá ki ʻAosituliá, ʻo lava ke maʻu ai ʻe ha kakai Siamane Hahake ʻe laumano ʻenau tauʻatāiná. Naʻe ʻiloʻi ai ‘e Mākosi mo Kēleni ko hanau faingamālie makehe ia. ‘E lava foki ke nau mavahe mo kinautolu.
Leslie Nilsson, tokotaha faitā
Na‘á ku pehēange, “Tau ō ki ʻAositulia.”
Naʻe talaange ʻe Kēleni, “‘Oiaue ʻikai. ‘Oku tuku ho‘o ongomātuʻá ‘i Siamane kae pehē ki heʻeku ongomātuʻá foki.”
Ne u tali ange, “‘E mahino pē ia kiate kinautolu.”
Naʻe talamai ʻe Kēleni, “Kuo tau ‘osi kamata langa fale. Tau langa ia ke ʻosi.”
Ne u pehē ange, “‘Ikai, tau kamata foʻou ʻi ha feituʻu kehe, ʻi Siamane hihifo.”
Ne u toe feinga ke talaange ʻoku totonu ke ma mavahe. Na‘á ne pehē mai, “ʻIkai, he naʻe toki ui koe ko ha pīsope pea naʻá ke talaange ʻio te ke tokoni.”
Ko e ʻuhinga ʻeni ne ʻikai ke ma mavahe ai mei Siamané. Hili ha ngaahi uike siʻi mei ai ne holofa e ʻĀ ʻo Pealiní. Ne ma monūʻia heʻema nofó. Ko e founga ia e Tamai Hēvaní maʻamauá.
Ko e ʻaʻahi ha kaungāmeʻa (ʻi lotó) kia Karren mo Markus Tilgner. Naʻe ʻai ʻe he ongomātuʻa Tiliná ke ongoʻi ʻe he taha kotoa ʻoku talitali lelei kinautolu ʻi hona ʻapí pea ko ha tāpuaki ia ke na tokoni ki he niʻihi kehé.
Ko hono fuofua ʻe he ʻofefine-ʻi he-fono ʻo e fāmili Tiliná, ʻa ʻene pēpeé. ʻOku ʻomi ʻe he mokopuna foʻoú ha fiefia kia Mākosi mo Kēleni, ne na pehē naʻe hoko ʻena nofo hona fonua tupuʻangá ke toe vāofi ange ai honau fāmilí.
Ko e tokoni ha ongo sisitā kia Mākosi he taʻo ha meʻakai he ʻōvaní.