Kalapu Faitauo le Tusi a Mamona

Auai mai i le faitauina o le Tusi a Mamona! E mafai ona e faitau na o oe, faatasi ma lou aiga, pe faatasi ma se uo. Ona auina mai lea ia i matou o sou ata o loo e faitauina le Tusi a Mamona ma ta’u mai ia i matou se mea ua e aoaoina po o sau tala e te fiafia i ai mai le Tusi a Mamona. Auina mai i le liahona.lds.org (kiliki le “Auina mai se Tusiga”).

O le mau o le masina lenei: Mosaea 2:17

“Pe a outou auauna atu i o outou uso a tagata, ua nao lo outou auauna atu lava lea i lo outou Atua.”

Ou te fiafia i le Tusi a Mamona ona o se tusi moni. O le tusitusiga paia mai le Atua, ma ou te talitonu i ai.

Joel S. (taumatau), 8 tausaga, Maharashtra, Initia

Ou te fiafia i le tala i le faaaliga vaaia a Liae ona ou te lagona ai le fiafia. E aoao mai ia te au e fai filifiliga lelei ina ia ou oo atu i le laau o le ola. O le laau o le ola o se faailoga o le ola faatasi ma le Tama Faalelagi, Iesu Keriso, ma tagata uma tatou te alolofa i ai.

Sadie S., 9 tausaga, Lusaka, Zambia

Sa uma ona ou faitauina le lomiga o le Tusi a Mamona a tamaiti ae ou te le’i papatiso. I le faaiuga o le tusi, sa fai mai lo’u tina ou te tatalo e uiga i le Tusi a Mamona. Sa ou lagonaina lava e moni ia upu i le taimi na ou faitauina ai.

Sean I., 7 tausaga, Somerset, Egelani

Sa lu’iina tamaiti Peraimeri o le uarota lenei i Ile-de-France, Farani, e faitau le Tusi a Mamona i aso taitasi. Sa latou maua se pepa faamaonia mo le ausiaina o la latou sini!

Matou te fiafia i le Tusi a Mamona ona matou te aoao ai e uiga i le talalelei ae maise lava o Iesu Keriso. Matou te matuai faafetai lava i le Atua mo le Tusi a Mamona ona ua matou aoao ai o Iesu Keriso o lo tatou Faaola, ma ua fesoasoani tele lena mea i lo’u olaga.

Allfie ma Anna B., 6 ma le 8 tausaga, Maharashtra, Initia

O le Tusi a Mamona o le tusi lea e sili ona ou fiafia i ai. Ou te fiafia i le faataitaiga a Nifae. O ia o la’u tama toa i le Tusi a Mamona. E usiusitai tele o ia i poloaiga a le Atua. Ou te fia faapei o ia.

Jhetro F., 10 tausaga, Iloilo, Filipaina