Tala o Tusitusiga Paia
Elia ma le Fafine ua Oti Lana Tane
Mai le 1 Tupu 17.
Sa lapataia e se perofeta e igoa ia Elia ia tagata e faapea, o le a oo mai se oge. O le a le toe timu, ma o le a le ola ni laau toto. I le taimi o le oge, sa inu Elia mai vai o se alia. Sa auina mai e le Atua ni manulele e aumai ni meaai ia te ia. Ae, sa faapea foi ona matutu le alia. Sa fetalai atu le Atua ia Elia e alu e sue se fafine i le aai, ma o le a ia fafaga ia te ia [Elia].
Sa tau atu Elia i le fafine o loo faaputu ni fafie mo se afi. Sa fai atu Elia ia te ia mo se meaai e ai ai. Na fai mai le fafine, sa na’o sina potoi ma sina suauu itiiti na totoe la te aai ai ma lana tama tama.
Sa folafola atu e le perofeta, afai na te faasoa atu ana meaai ia te ia, o le a le uma ana meaai. Sa faatuatua le fafine ua oti lana tane i le perofeta o Elia ma faasoa atu ana meaai.
O aso taitasi uma, sa lava meaai mo i laua e aai ai. O se vavega lava! Ona ma’i lea o le tama a le fafine ua oti lana tane ma maliu ai, ae sa toe faaola mai o ia e Elia. Sa faamanuiaina le fafine ona o le faalogo i le perofeta.
E faamanuiaina a’u pe a ou faalogo i le perofeta.