Tausia ma le Faasoa Atu

Mālō e lelei! O a’u o Lui, ma ou te faasusulu atu lo’u malamalama e ala i le faasoa atu i isi o mea ou te maua.

O se Motu Tele ma se Aiga Toatele

Ou te nofo i le motu tele i Toga. E toaono o’u tuafafine ae toafa o’u uso, ma ou te nofo latalata i le Maulmalu o Nuku’alofa Toga.

O se Tagata e Fiafia i le Saienisi

E tele a matou laau ma meaola mananaia i le matou motu. O loo o’u i le vasega fa i le Aoga Tulaga Lua a Ocean of Light, ma o le saienisi o le mataupu lea ou te fiafia tele i ai.

Fetufaai Atu o a Matou Meaai

E toto e lo’u tama ia faatoaga, o lea e tele ai a matou mea e ai. Ae o le toatele o fafine ua oti a latou tane ma isi aiga, e leai ni a latou lava meaai toto. O lea e ave atu ai e ou matua nisi o a matou meaai ia i latou. Ou te fiafia ou te alu ai foi e fesoasoani i ai!

Fesoasoani i Pulu Popo

O fafine ua oti a latou tane matou te asiasi i ai, e faaaogaina pulu popo e tafu ai afi e kuka ai a latou meaai. A matou o e avatu ni a latou mea taumafa, ou te faamanatu atu i taimi uma lava i o’u matua e ave ai foi ma ni pulu popo. Ou te fesoasoani e la’u pulu i totonu o le veni ma toe la’u i lalo pe a matou taunuu i fale o fafine ua oti a latou tane.

Faamanuiaga o le Fesoasoani Atu

E tuuina mai e le Tama Faalelagi ni faamanuiaga e tele ia te au pe a ou fesoasoani atu i isi—e le o ni faamanuiaga o tupe ae o faamanuiaga o le poto ma le malamalama. Ou te manao lava i taimi uma e fesoasoani ma faasoa atu i isi ni mea ou te maua.