Digital Wōt

4 Kaktak ko jān an Josep Smith Bōktok Bok in Mormon eo

Jān Mckenna Clarke

Māākjiin ko an Kabun̄ in

Ke eaar 24 wōt iiō rūttoon, Josep Smith eaar ioon apan̄ ko ke eaar jerbal n̄an kadedeļo̧k kien ko an Anij. Ak eaar anjo̧ kōn jipan̄ eo an Anij, im jemaron̄ barāinwōt.

young adult woman holding an old Book of Mormon

Āinwōt rūm̧m̧an ded ro, jemaron̄ in kajjitōk n̄an kōm̧m̧ani men ko me āinwōt reppen ilo an ejjeļo̧k jipan̄ an Anij. Ejja āinwōt, Josep Smith, ke kar 24 wōt iiō rūtton, eaar ioon apan̄ ko im en̄jake inepata ilo an kar kapukot n̄an kadedeļo̧k juon kien eo eaorōk—kōm̧m̧an bwe en jeje ukook eo an Bok in Mormon. Ak kōn jipan̄ eo an Anij, eaar kadedeļo̧k aolep men ko me kar kajjitōk ippān, im an waanjon̄ok ej kwaļo̧k jet wāween ko me jemaron̄ kōm̧m̧ane eo epen n̄e Anij ej pād iturājetiid.

1. Jejjab aikuj in juon eo eļap n̄an Anij n̄an kōm̧m̧ani kabwilōn̄lōn̄ ko ilo kōj. Ke Josep Smith eaar kōppopo n̄an kōm̧m̧an bwe en jeje Bok in Mormon, eaar juon rūm̧m̧an ded eo ejjeļo̧k an jāān ak jabwe jeļāļo̧kjeņ—im eļaptata kar ejjeļo̧k jeļāļo̧kjeņ eo ippān n̄an ukōt im kōm̧m̧an bwe en jeje juon ļo̧o̧k eo ekanooj aorōk. Jekdo̧o̧n, eaar etal wōt kōn tōmak im menin letok im kajoor eo an Anij n̄an kadedeļo̧k jerbal eo kar kajjitōk ippān. Eļan̄n̄e jej lōke Jemedwōj Ilan̄, Emaron̄ kōmaron̄ kōj n̄an kōm̧m̧ane jerbal eo An.

2. N̄e Anij ej letok n̄an kōj juon jerbal, Enaaj letok juon iaļ n̄an tōprak. N̄an Josep, būriini 5, 000 kape ko an juon bok eo 590 alen ko ie aikuj in kar āinwōt epen. Ak, ke eaar iien n̄an je pebako, Irooj eaar im̧we Martin Harris n̄an wiakake jikin kallib eo an, leļo̧k $3,000 (jon̄an dettan aorōk in $76,000 rainin) n̄an jipan̄ kakūrm̧ool jerbal eo an Josep. Ilo an Nipai kar katakin, “[Irooj] enaaj kōpooj juon iaļ n̄an aer kōtōprak men eo Ej kean̄ er” (1 Nipai 3:7). Jemedwōj Ilan̄ eaar likūt kein jipan̄ ko rekkar bwe Josep en kadedeļo̧k jerbal eo. Im Enaaj kōm̧m̧an ejja āinwōt n̄an kōj.

3. Anij ej bar letok iien ko. Josep Smith eaar kōm̧m̧ani bōd ko me kar tōlļo̧k n̄an luuji 116 peij ko an Bok in Mormon. Kōnke ekar luuji 116 peij ko, Josep eaar barāinwōt luuji maron̄ eo n̄an ukook ilo juon iien. Ak kōnke eaar kālet bwe en ukweļo̧k, kar jeo̧rļo̧k an bōd im kar leļo̧k bar juon iien n̄an kakūrm̧ool mijen eo an. Im Irooj eaar ba, “Ak keememej, Anij e tūriam̧o; kōn menin, ukeļo̧k jān men eo kwaar kōm̧m̧ane eo eāinjuon n̄an kien eo me Iaar lewōj n̄an eok, im Ij kāālet wōt eok, im bar kūr eok n̄an jerbal in”(K&B 3:10). Mour ko ad renaaj obrak kōn bōd ilo mour in, ak ilo ad ukweļo̧k im kōm̧m̧an bwe būruwōd ren pād ilo jikin eo ejejjet, Irooj enaaj aolep iien letok n̄an kōj bar juon iien.

4. Reim̧aanļo̧k n̄an lan̄lōn̄ eo kar kallim̧ur kake maron̄ jipan̄ kōj dipuk apan̄ ko. Men̄e aolep apan̄ ko Josep eaar jelm̧aiki, eaar bōk elōn̄ kōjeraam̧m̧an ko im kar en̄jake lan̄lōn̄ eo em̧ool ilo aolepān jerbal eo an n̄an bōktok Bok in Mormon. Ālkin an Bok in Mormon kar jeje, Kabun̄ in eaar ejaak im jinen im jemen Josep raar peptaij. Ilo raan eo, Josep eaar ilo̧k n̄an wōjke ko make iaan n̄an jan̄ kōn m̧ōņōņō. Eļan̄n̄e jenaaj wōnm̧aanļok wōt ilo ad dipuk apan̄ ko ad, likūt ad lōke ilo Anij, jenaaj bar maron̄ lo lan̄lōn̄ im aenōm̧m̧an.

Kappukōt Eļapļo̧k

N̄an katak eļapļo̧k kōn jeje eo an Bok in Mormon im ejaak eo an Kabun̄ in, riiti “An Kabun̄ eo an Kraist Jutak” ilo Oktoba 2018 Liaona.

Kappukōt em̧ool eļapļo̧k kōn tōre in bwebwenaton an Kabun̄ in “Kajutak Pedped ko an Kabun̄ in” ilo Our Heritage: A Brief History of The Church of Jesus Christ of Latter-day Saints.