Bwebwenato ko an Ijo Jokwe ie
Jerbal in Karejar n̄an Eo Juon
Ilo Māe in 2018 eo, ritōl ro jān Kabun̄ eo an Jisōs Kraist im Armej ro Rekwojarjar ilo Raan–ko Āliktata ilo Marshall Islands rekar etal ippān rūkaki in kabun̄ ko im rikwaļo̧k ro an emān kabun̄ ko ioon Ailinglaplap Atoll. Juon menin leļo̧k kōn ruo pāāk in rice ko rekkilep kar aljikiļo̧k n̄an kajjojo im̧ōn jar ko.
Ritōl ro kar loļo̧k ekoba John Larkin, Mijen Būreejtōn eo, Johannes Seremai, Kwajalein Stake Būreejtōn eo, im Tracy Salmon, Kwajalein ward Būreejtōn an Doulul eo an Elder ro.
“Ritōl ro ijo jokwe ie an kabun̄ ko kar alikkar aer im̧we kōn menin leļo̧k ko”, Būreejtōn Larkin eaar ba. “Rūkaki ro raar ettōn̄, idik pā, im kwaļo̧k kam̧m̧oolol—im iaar kile raar ilbōk kōn loļo̧k eo im menin leļo̧k ko.”
Ilo kakobaba, m̧weiuk ko raar pād n̄an leļo̧k kein kōjan̄jan̄ ko n̄an kajjojo jarlepju ko n̄an maron̄ jipan̄ ilo al ko rej al kaki—āinwōt ilo iien in ejjeļo̧k kein kōjan̄jan̄ ioon āne eo.
Jet m̧akūtkūt ko an koba in kabun̄ ko ioon Ailinglaplap raar karōki n̄an aer kōm̧m̧an ilo iien ko rej itok wōt, ekoba jerbal in jipan̄ ko, im iien ekkatak ko kōn bōbrae tōn̄al.
Būreejtōn Russell M. Nelson eaar ba, “Ej ad iien em̧m̧an n̄an jerbal ilo etan Jisōs Kraist n̄an kōjeraam̧m̧an ajri ro nejin Anij ekkar n̄an Ankilan n̄an er.”