Bwebwenato ko an Ijo Jokwe ie
Ittiņo eo kōn Bok in Jikuuļ ko Rejako
Ta eo ekar ijjino kake āinwōt juon shipment in kein jipan̄ an kein jikuuļ ko jān New Zealand n̄an Marshall Islands ekar oktak n̄an juon laudin̄din̄, kab kar kōtmene tōprak eo.
Ium̧win jet wiik ko remootļo̧k, mijenede ro Craig im Nancy Preston, raar jerbal ippān Furniture for School Charitable Trust (FFS), LDS Charities im Marshall Islands Ministry eo an Jikin Jeļāļo̧kjeņ n̄an bōktok tebōļ ko kar kōjerbali m̧okta, jea im bok ko jān New Zealand n̄an jikuuļ ko ijo.
Ilo jekjek ko kar jab kōtmene kaki, “Eaar alikkar n̄an kōm bwe jet iaan jea ko reddik im tebōļ ko raar būkilo̧k n̄an juon jikuuļ me eaar jab pād ilo laajrak eo am,” kar ba Elder Preston. “Kōm kar kālet n̄an etal n̄an lale etke im ia eo jea im tebōļ ko raar būkilo̧k n̄ane.”
Kar loe bwe eo jeban Ministry eo an Jikin Jeļāļo̧kjeņ Procurement eo eaar kōm̧m̧ane aljōkļo̧k eo n̄an juon jikuuļ edik, jab jeļā kake—Majuro Deaf Education Center for Blind and Deaf ajri ro me raar pād ilo aikuj kōn jea im tebōļ in jikuuļ.
“Kar karuwaineneik kōm kōn eļap etōn̄dikdik, ebadikdik im idikpā,” Elder Preston eaar ba. “Ejjeļo̧k naan ko kar kōnono ijello̧kin wōt jān secretary eo āinwōt eaar e wōt me emaron̄ in ron̄ im kōnono. Kōm kar kam̧m̧oolol bwe juon armej em̧m̧an kōn juon bōro ejouj eaar jeļā kake im kar jipan̄ kūlajruum̧ in elukkuun in aorōk aikuj ko an.”
Kein jipan̄ eo eaar ļap wōt kōn tebōļ ko rejjab kāāl, jea ko im bok in ļaibrāre ko kar litok jān jikin ko ilo aolepān New Zealand.
John McLean, trustee eo n̄an FFS ej kwaļo̧k kōn shipment eo n̄an Majuro, Marshall Islands, kar ba, “Eutiej būruwōm kōn jerbal in ilo an bōktok em̧m̧anļo̧k eo loe n̄an peļaak in kūlajruum̧ eo im jibadbad eo n̄an kajin In̄lij.”
Eaar kakobaba, “Kajin In̄lij ej kōmetaltal iaļ eo n̄an jekjek eo n̄an meļeļe jabdewōt menin jeraam̧m̧an im kōtļo̧k bwe ro reddik ren juon raan kōjeraam̧m̧an menin jeraam̧m̧an eo an laļ eo aer kōn kapeel ko ewōr tokjāer, jerbal ko eļap tokjāer, eddōkļo̧k eo an commerce im menin jeraam̧m̧an.”
M̧oktaļo̧k jān shipment eo Preston ro, rej jerbale juon mijen edipio n̄an Kabun̄ eo an Jisōs Kraist im Armej ro Rekwojarjar ilo Raan-ko Āliktata, kar loļo̧k jet iaan jikuuļ ko ilo eria eo n̄an etale aikuj ko aer im bōk juon laajrak jān būrinjibōļ ro.
Ilo Nobōm̧ba 27 eo, kanteinar eo kar bōkļo̧k n̄an meļan eo an Marshall Islands High School im Middle School ijo juon iien kōpeļļo̧ke eaar kōm̧m̧an kōn juon ennaan ekadu jān Minister eo an Jikin Jeļāļo̧kjeņ.
Ajri ro jān Marshall Islands raar būki jea im tebōļ ko kar kōjerbal m̧okta jān Furniture for Schools Charitable Trust im LDS Charities.
Innām jea im tebōl kar kōjemo̧o̧ji ekkar n̄an etale eo an aikuj ko an Preston n̄an Marshall Islands High School, Marshall Islands Middle School, Rairok, Woja, im Ajeltake Elementary School ko.
Ilo kam̧m̧oolol, ilo kailbōkbōk, Preston ro rej ba, jet iaan jea im tebōļ ko kar liļo̧k raar barāinwōt būkilo̧k n̄an Majuro Deaf Education Center eo barāinwōt.
“Jej pād ilo menin ippān doon,” Elder Preston eaar ba. “Jej jerbal n̄an pukōt ia eo aikuj ko rej pād ie, im ta eo jej aeran doon ie ippān ro jet remaron̄ kōm̧m̧ane n̄an kōm̧m̧ane juon oktak eo em̧m̧an. Jej kanooj kam̧m̧oolol bwe eo m̧ōttad ilo Ministry eo an Jikin Jeļāļo̧kjeņ raar m̧ōņōņō in jipan̄ kōj tōpar aaet elōn̄ļo̧k ajri ro rej pād ilo aikuj.”