Juon Ettōn̄dikdik in Mōņōņō

Franklin Romero

Manabí, Ecuador

Juon bon̄ ward eo am̧ eaar kōm̧m̧ane juon m̧akūtkūt me kōm eaar joļo̧k elōn̄ awa ko n̄an kōppopo n̄an e. Ālkin m̧akūtkūt eo juon rikatak em̧m̧an ded eaar ba bar iakwe n̄an eō im jejjo̧ minit tok ālik eaar bar ro̧o̧ltok im ba, “bisop, n̄āāt eo ij aikuj in bar ro̧o̧ltok?” Iaar ba n̄an e Jabōt, im ļaddik eo eaar m̧ōkaj im ba, “Ejjab, ebar wōr ke m̧akūtkūt?” Eaar wōr an iien em̧m̧an ippān jodikdik ro an ward eo am̧ jon̄an eaar bar kōņaan ro̧o̧ltok.

Iaar bar bwebwenato ippān ruo rūtto ro raar pād ilo m̧akūtkūt eo im kar kajjitōk ippāer ta aer ļōmņak. Ļeo pālele eaar ba, “Jān ke kōm kar tōkāāktok ijin, kōm eaar en̄jake aenōm̧m̧an im jo̧kne,” kōrā eo ippān eaar rie kōn kōmajidjiddi bōraņ. Iaar bwilōn̄ kōn menin ke raar jino itaaktok, eaar kanooj lōn̄ armej ro raar kōnono im kōm̧m̧an ainikien eļap. Ak eaar reitok wōt n̄an eō im ba, “En̄in ej Jetōb Kwojarjar, ejim̧we ke?” Kar bwilōn̄, im maron̄ ba aaet.

Eaar kanooj lōn̄ men ko n̄an kōm̧m̧ani n̄an kōpooj m̧akūtkūt eo, kōn menin ke ej m̧ōj m̧akūtkūt eo joteen eo, men eo deeo iaar kōņaan kōm̧m̧ane ej ro̧o̧l im kiki. Kōnke kōn jon̄an aō kar m̧ōk, iaar jab kanooj ļōmņak kōn bwebwenato eo aō ippān rikatak ro. Ke ij tōparļo̧k kapijuknen, iaar jar in tin kiki, ak iaar jab maron̄ in kiki; ilo kōļmenļo̧kjeņ eo aō iaar lo an Irooj ettōn̄dikdik. Eaar juon ettōn̄dikdik in bōk. Ilo iien eo iaar jino in keememej men ko rem̧m̧an me raar waļo̧k ilo m̧akūtkūt eo.

Iaar jeļā bwe kōn tiljek im iakwe eo an ro uwaan ward eo raar kōm̧m̧an bwe en pidodo būruwōn rūkkatak ro jilu n̄an aer im̧we. Iaar jeļā bwe ettōn̄dikdik n̄an errā eaar ta eo kōm̧ ar kōm̧m̧ane. Eaar jab bōjrak aō jan̄, iaar en̄jake m̧ōņōņō kōn menin letok eo an Irooj eaar letok n̄an kōj. Eaar letok n̄an kōm juon ettōn̄dikdik in errā. Ij kam̧ool bwe naan ko an Irooj rem̧ool; bwe n̄e jej bōktok juon jetōb n̄an E, m̧ōņōņō eļap naaj ad ilo aelōn̄ in kiin̄ eo an Jemed (lale K&B 18:15).