Bōk Jipan̄ n̄an Jipan̄ ro Jet

Elmen ad kobaik ro jet n̄e jej aikuj jipan̄ ilo kijejeto ko ad n̄an jerbal in karejar? Bōk kūņaad ilo intōrpiu in jipan̄ ko im kweilo̧k ko an ko̧o̧njeļ ilo Jabōt juon.

Ke elōn̄ nan̄inmej in sclerosis kar kōm̧m̧an bwe Kathy en jab maron̄ etetal likūt ilo juon wiiljea, liin eaar lo ke kar aikuj jipan̄ kajjojo bon̄ bōk jān jea eo n̄an jikin kiki eo an. Jerbal in eaar kanooj ļap n̄an jabdewōt membōr. Kōn menin doulul eo an elder ro raar kapilōk kōn jekjek eo an im kālet n̄an kōm̧m̧ane jikejuuļ n̄an jipan̄ e kajjojo jota.¹

Ke kōm kar jino jeļā kōn aikuj ko im kajoor ko an ro kōmij jerbal n̄an er, kōm maron̄ kar lo bwe kōmij aikuj jipan̄ n̄an tōpar aikuj ko aer. Intōrpiu in jipan̄ ko im kweilo̧k in ko̧o̧njeļ ko ilo Jabōt juon rej iien ko ruo rem̧m̧an n̄an kōnono kōn ekōjkan n̄an ilo jejjet kobaik ro jet.

Intōrpiu in Jipan̄ ko

Intōrpiu kein kuwōta otemjej ikōtaan rikarejar jeiū ak jatū kōrā im būreejtōnji eo an Doulul eo an Kōrā ro ak rikarejar jeiū ak jatū m̧aan ro im būreejtōnji eo an doulul eo an elder ro rej make wōt jejjet rebooti ilo ad kōm̧m̧ane ikkijien ro jej jerbal in karejar n̄an er. Intōrpiu eo ej juon iien em̧m̧an ilo juon kajjojo kuwōta n̄an (1) kapilōk kōn kōkajoorļo̧k ko, aikuj ko, apan̄ ko an baam̧le ko im kajjojo ko kar jitōn̄ er n̄an kwe; (2) n̄an kālet ta aikuj ko doulul eo, Doulul eo an Kōrā, ak ward ko̧o̧njeļ eo emaron̄ jipan̄ kake; im (3) katak jān ritōl ro im kōketak ilo kijejeto ko an jerbal in karejar.

Būreejtōn eo an doulul eo an elder ro im Doulul eo an Kōrā ro rej kōnono kōn aikuj ko raorōk kajju n̄an bisop eo im naaj bōk kapilōk im tōl jān e.

Komaron̄ lo eļapļo̧k meļeļe kōn intōrpiu in jipan̄ ko ilo ministering.lds.org.

En Wōr Tokjeņ Kōm̧m̧ani Intōrpiu ko an Jerbal in Karejar

Ilo rie ennaan eo an Būreejtōn Russell M. Nelson kōn būrookūram̧ in jerbal in karejar eo enaaj ļōm jibadbad eo me ejelet ilju im jekļaj eo an Kabun̄ in. Elder Gary E. Stevenson jān Doulul eo an Jon̄oulruo Rijilōk ro eaar katakin, “Errem̧aanļo̧k eo an visōn eo an … emaron̄ in pedped ioon jon̄an em̧m̧an in jerbal in karejar an em̧m̧aan im kōrā ro katakin im bōk kuņa ilo intōrpiu in jjipan̄ eo.”²

Emān jibadbad ko kōn jerbal in karejar n̄an em̧m̧aan im kōrā ro:

Etal n̄an intōpiu eo n̄an bōk kapilōk. Pojak in katak.
Pojak n̄an ekōnono kōn aikuj ko me komaron̄ aikuj jipan̄ tōpari.
Kalimjōk wōt ioon kajoor ko im maron̄ ko an kajjojo, ejjab aikuj ko wōt.
Kepaak būreejrōnji eo n̄an kapilōk ikōtaan intōrpiu ko kuwōta otemjeļo̧k n̄e emenin aikuj.

Ļalem jibadbad ko n̄an ritōl ro:

Intōrpiu ko rejjaab aikuj in aetok, ak jikejuuļi eļap iien n̄an etal n̄an juon jikin me enaaj kōm̧m̧an bwe iien bwebwenato eo en ļap meļeļe in.
Bōk iien eo em̧m̧an n̄an jerbal in karejar n̄an rikarejar jeim ak jatum̧ m̧aan ak kōrā.
Jab kajjitōk kajjitōk ko me āinwōt rej kwaļo̧k ke kwoj būni loļo̧k ko ak je ilo juon laajrak in iien me ekar m̧ōj ekōnono ko (“Kwar ke kōm̧m̧ane jerbal in karejar eo am̧?) Kajjitōk kajjitōk ko me rekōkm̧anm̧anļo̧k mour (“Ta im̧we eo kwar en̄jake ilo am̧ kar jar kōn baam̧le eo? Ta eo ekar waļo̧k n̄e kwoj ļoor im̧we ko?)
Lukkuun ron̄jake im je kakeememej ko.
Kapilōk doon. Mōttā ro n̄an jerbal in karejar rej maron̄ in bōk revelesōn n̄an ro rej lale er n̄an katakin.

Kajjitōk ko im Uwaak ko kōn Intōrpiu in Jipan̄ ko

Ta in intōrpiu in jipan̄?

Ej juon iien ekōnono kōtaan rikarejar jeiū im jatū m̧aan ro im juon uwaan būreejtōnji eo an doulul eo an elder ro ak kōtaan rikarejar jeiū im jatū kōrā ro im juon uwaan būreejtōnji eo jān Doulul eo an Kōrā ro ilo juon iien eo kōtļo̧k bwe ren kappukot im bōk im̧we jān Jetōb Kwojarjar. Āinwōt juon tōprak, rikarejar jeiū im jatū m̧aan im kōrā remaron̄ in im̧we n̄an emejraake, iakwe, katakin, im kaenōm̧m̧an ilo wāween eo an Rilo̧mo̧o̧r.

Intōrpiu in jipan̄ kein kuwōta otemjeļok rej aikuj ke kōm̧m̧an ilo likio in armej?

Ilo m̧ool rej kōm̧m̧an ilo likio in armej, ak remaron̄ in kōm̧m̧an ilo taļboon ak online n̄e jelm̧ae doon ejjab maron̄. Ekkā, m̧ōttā rein jim̧or rej pād ilo intōrpiu eo n̄e ekkar.

Ta jipadpad eo an juon intōrpiu in jipan̄?

Intōrpiu in jipan̄ ko rej juon iien em̧m̧an n̄an rikarejar jeiū im jatū m̧aan ro im kōrā ro n̄an etale jekjek ko, kōm̧m̧ani karōk ko rekāāl, im bōk jipan̄ ko aikuji n̄an kajjojo armej ro ak baam̧le ko rej katakin er. Ej juon iien n̄an kōnono kōn ta kein jipan̄ ko doulul eo im Doulul eo an Kōrā maron̄ leļo̧k.

Elmen aō kōm̧m̧ani unin kōnono ko reņo̧jak ak aorōk?

Rikarejar jeiū ak jatū m̧aan im kōrā rej kwaļo̧k meļeļe ko rettiņo̧ ippān wōt būreejtōn eo an doulul eo an elder ro ak Doulul eo an Kōrā—ak kajju ippān bisop eo. Meļeļe ko rettiņo̧ ak aorōk reaikuj in jab waļo̧k ilo kweilo̧k in ko̧o̧njeļ ko ilo Jabōt juon.

Kweilo̧k in Ko̧o̧njel ko ilo Jabōt Juon

Ilo kakkobaba n̄an intōrpiu in jipan̄ ko, kweilo̧k in ko̧o̧njeļ ko ilo Jabōt juon rej bar jet wāween n̄an kobaiktok ro jet ilo jerbal in karejar eo. Ilo kweilo̧k ko an Doulul eo an Kōrā ro im doulul eo an elder ro, im̧we emaron̄ in itok n̄an ro rej pād kōn Jetōb im jān ro jet ilo kumi eo.

Jibadbad eo an kweilo̧k in ko̧o̧njeļ in eo ej n̄an:

“Kapilōk doon kōn eddo ko ijo jokwe ie, iien ko rem̧m̧an, im apan̄ ko;
“Katak jān ļōmņak ko im iminene ko an doon; im
“Pukot wāween ko n̄an jerbale im̧we ko kar būki jān Jetōb.”³

Kweilo̧k in ko̧o̧njeļ ko reļļapļo̧k jān kōnono bajjōk: kweilo̧k ko rej tōl kōj n̄an kajjojo armej ak āinwōt juon kumi āinwōt an kar im̧we jān Jetōb. Membōr ro remaron̄ en̄jake juon ikdeelel n̄an kadedeļo̧k jerbal eo an Irooj āinwōt juon tōprak in kweilo̧k kein.

Kūr n̄an Jerbal

Elder Jeffrey R. Holland jān Doulul eo an Jon̄oulruo Rijilōk ro eaar ba, “Ad jar rainin,” “ej bwe kajjojo em̧m̧aan im kōrā ro—likao im jiron̄ ro—renaaj likūt kweilo̧k in eļap kōn wūjļepļo̧k eļap n̄an kea kōn doon, em̧akūt kōn iakwe eo erreo an Kraist n̄an kōm̧m̧an āindein.”⁴