Peij eo Ad

N̄e ij etal n̄an mōnjar eo, ij en̄jake Jetōb an Anij im aō iakwe n̄an E im n̄an aō Rilo̧mo̧o̧r, Jisōs Kraist. Ij iakwe aō Rilo̧mo̧o̧r.

Ayana B., age 7, France

“Būreejtōn Monson im Rikakpilōklōk ro an”

Omar A., age 9, Peru

Eļap an em̧m̧an ippa pād ilo tampeļ ippān baam̧le eo aō. Ej juon jikin eo eaibojooj ijo imaron̄ etal n̄ane n̄e jon̄oul ruo aō iiō. Ej m̧weo im̧ōn Irooj.

Aldo C., age 10, Mexico

Eitok limoū in kwaļo̧k kōn gospel eo ilo mōn jikuuļ eo aō ippān ro mōtta, eļaptata ippān juon ļaddik eo me ewōr an apan̄ ilo kōnono, jeje, im riit. Juon iaan wāween n̄an kwaļo̧k gospel eo āinwōt an Jisōs Kraist kar katakin ilo an jipan̄ im jerbal n̄an ro jet. Aolep iien n̄e rūkaki ej letok ad eddo n̄an kōm̧m̧an katak imōko, eļap aō kar jipan̄ ļadddik in. Em̧m̧an ippa jipan̄ ro jet kōnke ej jipan̄ eō bwe in en̄jake iakwe eo an Jemedwōj Ilan̄.

Allison M., age 10, El Salvador