Bwebwenato ko an Ijo Jokwe ie
Ļōm n̄an baam̧le eo an
Āinwōt juon likao, Kapoa iaou eaar jerbal āinwōt juon mijenede ilo New Caledonia eo ilo tōre eo eaar m̧ōttan Suva, Fiji Mijen.
Ke eaar kadedeļo̧k jerbal eo an, eaar lo juon jerbal āinwōt juon rikōm̧m̧an raan em̧, kar m̧are im jino juon baam̧ļe ilo New Caledonia.
Men̄e jerbal eo an eaar kake n̄an e im baam̧ļe eo an, eaar jan̄uwade n̄an kōm̧m̧ae bar jet men ko kōn pā ko pein—juon men me emaron̄ kar bōktok lan̄lōn̄ n̄an e im n̄an ro jet.
Āinwōt juon em̧m̧aan in eļap tōmak, eaar jar im jitlo̧k kōn juon menin letok eo me enaaj kar kakūrm̧ool ikdeelel in im ettōņak ko. An tōmak ekajoor ilo juon Jemen Ilan̄ eo ej iakwe kōj im kōņaan bwe jān jeraam̧m̧an, kar kōm̧akūti ilo jar in tōmak ko an.
Juon raan ke eaar ekituwe kobban tūrak eo eobrak kōn kein kōm̧m̧an ioon em̧ ilo jikin jo̧kpej eo, eaar lo ruo m̧ōttan aļaļ ko kar waniji rekar pād ioon kopej ko. Eaar kotaki, julo̧kiļok ilowaan tūrak eo waan im būki n̄an m̧weo im̧ōn.
Ilo an ejjeļo̧k an iminene ilo jabdewōt kain jerbal in aļaļ, eaar wiaik tuuļ in kein kam̧tō ko im jino idajon̄jon̄e kapāal ko an. Eaar bwilōn̄ bwe eaar em̧m̧an an kōm̧m̧ane—jekdo̧o̧n kōn tuuļ ko rebōd. Eaar ļo̧kjen an bwe emaron̄ in kar ļōme juon annan̄ kōn pein make me maron̄ kar kōjerbale āinwōt juon kapin juon ļaam̧.
Juon tōre ilo iien ko ekar kabwilōn̄lōn̄ ekar jino an waļo̧k ilo mour eo an Kapoa.
Juon wiik ālkin kar kajjieon̄ in ļōmļōm eo an im̧aan tata, eaar ioon juon m̧ōttan jān etto eo eaar būrom̧ōjļo̧k n̄an Kapoa bwe eaar jab pāāje juon teej. Ke kar kajjitōk ta kain teej eo eaar jab pāāje eo m̧ōttan eaar uwaak, “Iaar jab pāāje teej in ļōm eo aō.” Teej eo eaar aikuj bwe ļeo en kōm̧m̧ane juon annan̄ in juon jāān dekā kōn juon pija in juon bao. Eaar jab pāāj kōnke māj ko ilo bao eo raar bōd. Nana in māj ko raar kōm̧m̧an bwe en jab bōk juon peba in kam̧ool ilo ļam.
Ia eo kwar katak ļōmļōm ie?” eaar juon kajjitōk kar kwaļo̧k jān Kapao.
Kapoa eaar kōnono kōn jikuuļ eo jān eo m̧ōttan. Eaar pāāje kōmeļeļe eo n̄an teej eo im 11 allōn̄ ko tok ālik kar kadiwōjļo̧k kōn juon peba in kam̧ool ilo ļōmļōm.
Bo̧o̧j eo an ilo jikin ekkal eo eaar bwilōn̄ kōn an Kapoa kam̧ōje jān jerbal eo an im kar kajjitōk, “Kwoj m̧ool ke?” “Ijjan̄in kar lukkuun m̧ool kōn jabdewōt men!” eaar kōmeļeļeik.
Eaar etal n̄an jerbal in ļōmļōm n̄an bar juon lo souvenir im tourist trade industry eo.
Kapoa eaar pojak in jelm̧ae idajon̄jon̄ eo eļap tata ilo mour eo an jān etto n̄an iien in. Ejjab to tokālkin kar kōļļotak n̄an ajri eo kein kajilu nejier, lio pāleen eaar mej likūt ippān eo jilu an iiō, eo ruo an iiō im eo 1 allōn̄ nin̄nin̄ rūttōn.
Eaar lo e make ilo juon jikin eo ekanooj marok kōn kajjitōk ko im būrom̧ōj.
Bar juon alen, eaar oktakļo̧k ilo tōmak n̄an un eo an aolep kōjeraam̧m̧an ko an. Jipan̄ eaar itok ilo juon jekjek jab kar kōtmene kake.
Ruo sister mijenede ro raar kōļaļļaļ ilo kōjām eo an im kar kanooj jipan̄ kōn ajri ro nejin im kōn naan in rōjan̄. Juon iaan sister ro eaar jiron̄ e, “Eļan̄n̄e kwoj obrak kōn kōdo̧ ko remarok, ejjeļo̧k jikin n̄an meram eo an Kraist.” Naan in rōjan̄ in eaar epan̄ijn̄in ippān Kapoa im eaar jino etal jān jikin eo emarok ijo eaar pād ie.
Ke eaar dedeļo̧k mijen eo an, juon iaan sister ro eaar bar jepļaak n̄an lale ejiet an Kapoa kar pād. Juon jem̧jerā em̧m̧an eaar ejaak im āliktata raar m̧are. Liin eaar kanne mour eo an riļōm in edik kōn dim im iakwe n̄an ajri ro jilu nejin.
Beatrice Tiaou eaar katak ļōm jān ļeo ekāāl pāleen im liin eaar barāinwōt lukkuun in m̧ōkade ilo jerbal in jin̄a ilo aļaļ. Ippān doon raar maron̄ jino pejnej eo aer make im maron̄ bōk jāān ilo jerbal in ļōm.
Ke ajri ro raar rūttoļo̧k, raar barāinwōt katak jin̄a ilo aļaļ im kiiō ilo laļ ko aer make, rej kōm̧m̧ane wōt m̧anit eo aiboojoj an ļōm im jerbal in aļaļ.