Doulul in Armej ro rej Riiti Bok in Mormon
Kobatok ilo am riiti Bok in Mormon! Komaron̄ riit ippam make, ippān baam̧le eo am̧, ak ippān juon eo m̧ōttam. Innem jilkintok juon pijan am̧ riiti Bok in Mormon im kwaļo̧k n̄an kōm juon men eo em̧ōj am̧ kar ekkatak ak juon bwebwenato em̧m̧an tata ippam jān Bok in Mormon. Jilkintok ilo liahona.lds.org (jiped “Submit an Article”).
Eoon eo an Allōn̄: Moronai 10:4
“… Eļan̄n̄e kom̧ naaj kajjitōk kōn juon bōro em̧ool, kōn lukkuun kōttōpar, im ewōr tōmak ilo Kraist, Enaaj kwaļo̧k m̧ool in n̄an kom̧, kōn kajoor eo an Jetōb Kwojarjar.”
Bwebwenato eo em̧m̧an tata ippa jān Bok in Mormon ej pād ilo 3 Nipai 17, im ej kōn an Jisōs kōjeraam̧m̧an ajri ro. Em̧m̧an ippa bwebwenato in kōnke ej kwaļo̧k n̄an kōj jon̄an an Jisōs im Jemedwōj Ilan̄ iakwe kōj. Remaron̄ kile eō ippān ajri ro, im ij aņtooneļo̧k aō jutak ilubwiljier.
Barbora J., 11 an iiō, Czech Republic
Ij iakwe Bok in Mormon kōnke ej juon bok em̧ool. Ekar jeje jān rikanaan ro. Ej jipan̄ eō kālet men ko rejim̧we, im n̄e ewōr aō būrbōļōm, emaron̄ jipan̄ eō. Ij tōmake menin.
Jason S., 10 an iiō, Maharashtra, India