“Elmen aō karuwaineneik tok Jetōb n̄an m̧weo im̧ō n̄e armej ro rej ire ak akwāāl?”
Ba Joļo̧k Am Bōd
Ke ikar jelm̧ae juon iien akwāāl, ikar lo bwe ba joļo̧k bōd im kwaļo̧k bwe kobōd, men̄e kwoj ļōmņak ak jeļā bwe kojim̧we, ej jipan̄ bōk aenōm̧m̧an n̄an ruum̧ in. Innem etal ettoļo̧k, jab keroro, ukōt un in kōnono eo, ak kappukōt juon men n̄an errā kake. Ejjab bōk iien bwe Jetōb en bar rool tok.
Dylan M., 15 an iiō, California, USA
Iakwe wōt
Em̧ōj aō loe bwe kwaļo̧k iakwe em̧ool n̄an baam̧le eo am̧ ej karuwaineneiki Jetōb n̄an tōl ilo m̧ōko im̧ōd. Rikanaan ro rej kōnono kōn iakwe āinwōt juon men eo ej kapen men eo ej kōm̧m̧an oktak im uno̧ n̄an kōmour jetōb ko ad. Jetōb in iakwe ej bōktok jokne im aenōm̧m̧an ilo m̧ōko im̧ōd.
Joseph C., 18 an iiō, Arizona, USA
Kōnono ippān Baam̧le eo Am̧
Eļan̄n̄e baam̧le eo am̧ rejjab membōr in Kabun̄ in, ba n̄an er jon̄an an nana am̧ mour n̄e rej akwāāl im kajjitōk bwe ren kōkm̧anm̧anļo̧k. Eļan̄n̄e ejjab jerbal menin, jar im bar kajjieon̄. Eļan̄n̄e rej membōr, kakeememej er bwe rej nejin Anij im bwe rej aikuj kajejtokjen akwāāl.
Carolina S., 19 an iiō, Goiás, Brazil
Jar kōn Jetōb
N̄e baam̧le ko rej akwāāl, epen n̄an en̄jake jetōb, ak ejjab meļeļein bwe koban maron̄ en̄jake eļan̄n̄e ejjab erreo mour eo am̧. Jar ilo buruōm n̄an bōk jipan̄ jān Jetōb an Irooj im lukkuun ron̄jake unoojdikdik ko me rej iwōj. Jemedwōj Ilan̄ emaron̄ jipan̄ eok en̄jake aenōm̧m̧an im jeļā wāween eo em̧m̧an tata n̄an bōktok aenōm̧m̧an ilo m̧weo im̧ōm.
Katie G., 17 iiō dettan, Utah, USA
Kajjieon̄ in Ņamejļan
Kōnono ippān baam̧le eo am̧ n̄an ņa mejļan būrabōļōm ilo wāween eo me aolep rej jeraam̧m̧an jān e, ak kwaļo̧k juon eoon ak aļ juon aļ. Komaron̄ barāinwōt kajjitōk ippān Jemedwōj Ilan̄ n̄an jipan̄ ņamejļan būrabōļōm. Ilo wāween in, enaaj jako an aolep illu im remaron̄ ņamejļan būrabōļōm ilo an ejjeļo̧k elamōjmōj ak ire. Ilo m̧ool Jetōb Kwojarjar enaaj kobrak eok kōn aenōm̧m̧an im kōm̧m̧an bwe aolep ren jab bar akwāāl.
Luis F., 14 an iiō, Playa del Carmen, Mexico