5 Wāween ko n̄an Ekkatak jān Kweilo̧k eo Eļap

Kweilo̧k eo Eļap ej juon iien eo em̧m̧an im kabwilōn̄lōn̄ n̄an kobaļo̧k ippān membōr ro ilo Kabūn in ipeļaakin laļ in n̄an ron̄jake ritōl ro an Kabun̄ in im bōk tōl jān Irooj. Alooj, ron̄jake, im ekkatak ennaan ko jān kweilo̧k eo eļap enaaj bōktok Jetōb ilo mour eo am̧ im jipan̄ kōļapļo̧k naan in kam̧ool eo am̧. Ej juon iien em̧m̧an n̄an kwe n̄an bōk im jerbal ekkar n̄an revelesōn eo am̧ make.

Erkein wāween ko ļalem komaron̄ ekkatak jān kweilo̧k eo eļap.

1. Je kajjitōk ko am̧ m̧okta jān an jinoe kweilo̧k eo eļap.

Bōk am̧ iien n̄an je kajjitōk ko am̧ m̧okta jān an jinoe kweilo̧k eo, innām lukkuun ron̄jake uwaak ko me rej itok ilo iien kweilo̧k eo. Jar ko am̧ im kajjitōk ko remaron̄ uwaak ilo am̧ bōk koņaam im ron̄jake Jetōb eo.

2. Kapukōt n̄an ekkatak kōn Kraist

Rikanaan ro rej kam̧ool im katakin kōn Rilo̧mo̧o̧r (lale Jerbal 10:43). Ilo am̧ ron̄jake ennaan ko ilo kweilo̧k eo, kwonaaj ļōmņak kōn ta ko rikōnono ro rej katakin eok kake kōn Jisōs Kraist. Komaron̄ bar kōlaajrake kajjitōk ko am̧ ilo ņoot ko am̧.

3. Lukkuun etale unin kōnono ko

Ālkin am̧ alooje jidikin kweilo̧k eo eļap, komaron̄ kile bwe em̧ōj am̧ kar ron̄ juon unin kōnono eo me elōn̄ kōttan aer kōnono kake. Jon̄ak ko kwoj kūli emaron̄ juon iaan wāween ko Jetōb enaaj jipan̄ eok kile jet men ko kwoj aikuji n̄an ekkatak.

4. Je noot ko kōn Bok in Mormon eo

Komaron̄ ekkatak eļap ilo am̧ leļo̧k am̧ n̄an jeje ko rekwojarjar me ritōl ro an Kabun̄ in rej rojan̄ kōj n̄an lin̄ūri, eļaptata Bok in Mormon, eo me “dilep eo an Kabun̄ in” (Kadkadin Bok in Mormon.) Lale eļan̄n̄e komaron̄ bwine jete kōttan aer ba ilo kweilo̧k eo eļap. Kwonaaj lukkuun bwilōn̄ kōn ta eo kwoj loe!

5. Kwon ikdeleel im en̄jake im̧we n̄an jerbale.

Je ennaan ko im kout ko me eim̧we eok ak karuwaineneik eok n̄an mour kaki. Menin emaron̄ jipan̄ eok mour kōn ta eo kwoj katak kake—im jipan̄ eok keememej ta ļōmņak ko am̧ ālkin am̧ aikuji rikakeememej eok!