Kwaļo̧k Am̧ Meram ilo Czech Republic

Kōm ajri in Būraimere ilo Czech Republic.

En̄in wāween kōmeramļo̧k laļ ko ad. En̄in wāween kwaļo̧k am̧ meram ilo laļ ko ad.

Juon iien ekar jako tebukro eo em̧m̧antata ippa. Iaar lukkuun inepata. N̄a im jin̄o kom̧ro kar jar, ak kom̧ro kar jab loe. Ikar kajjieon̄ bwe en lōn̄ aō tōmak. Juon wiik tokālik, ļaddik eo jatū ekar loe tekubro eo aō ilo iaļ eo! Anij ej uwaaki jar ko ad. Ij iakwe E im kam̧ool bwe E ej mour.

Andre W., 9 an iiō

Ewōr m̧ōtta ilo m̧ōn jikuuļ eo ro me rejjab membōr in Kabun̄ in ak rej kautiej wōt jon̄ak ko aō. N̄e ij ba jej aikuj jar, aolepāer rej errā! Ikar lukkuun m̧ōņōņō.

Ivana A., 11 an iiō

Ro m̧ōtta im n̄a kōmro kar tolaļ ilo jikinwe eo. Ke kōm kar tōparļo̧k erpeta eo, ikar āliklik in ba n̄an ro mōtta bwe ren jab kōjerbale. Rekar wōnm̧aanļo̧k wōt im kōjerbale. Ikar kōjerbal jikinwe eo. Ke ikar tōpar ijo iaļ, ro m̧ōttarekar jan̄in tōpartok. Erpeta eo ekar jitak! Ekar to aer diwōjtok. Ikar m̧ōņōņō bwe ejjeļo̧k jorrāān eļap ekar waļo̧k. Ikar barāinwōt m̧ōņōņō bwe ikar ļoor Jetōb Kwojarjar.

Amalie N., 10 an iiō

Ilo tarkijet, ekar jino marok lan̄. Ekar ļap kōto im kōm̧m̧an an ļap ņo̧! Ilo ijo ekar jouruur, ejarōmrōm, im kar ļap kōto. Aolep rekar ko̧ n̄an jikin aer kōppād. Kōm kar jab jorrāān jān taibuun in. Iaļ eo aō ļo̧k n̄an m̧weo, kōm kar elolo jemāluut. Ijeļā bwe Anij ekar jipan̄ im kōjparok kōm.

Jakub B., 10 an iiō

Ilo jikuuļ ewōr juon m̧ōtta eo me ejjeļo̧k rekōņaan m̧ōttāiki. Jet ajri rekar jino ba naan ko renana n̄an e im kōm̧m̧an bwe en watōk e jetāān̄. Ikar ba n̄an rūkaki eo aō im kar karuwaineneik bwe en ikkure ippa. Ekar kōm̧m̧an bwe in m̧ōtta en m̧ōņōņō!

Ludmila V., 8 an iiō

Ikar illu ippān m̧am̧a kōnke ikar jab kōņaan tutu im etal im kiki. Raan eo tok juon ikar būromōj kōnke kālet eo aō enana. Mama ekar ba bwe jemaron̄ jar im kajjitōk ippān Jemedwōj Ilan̄ bwe en jeorļo̧k ad bōd. Kōm kar būkwelōlō im jar. Ekar em̧m̧an aō mour. Ikar ekkatak bwe jemaron̄ ukwelo̧k, im kōn Jisōs Kraist, jemaron̄ bōk jeorļo̧k bōd.

Samuel H., 5 an iiō

Ikar kwaļo̧k aō naan in kam̧ool ilo mōn jar eo. Ikar aikuj peran! Jān iien eo, ikar en̄jake Jetōb eo.

Eliska K., 11 an iiō

Ke guinea piik eo nejū ekar nan̄inmej, ikar jar kōn e. Ij kam̧m̧olool Jemedwōj Ilan̄ kōn an jipan̄ kōj.

Aneta P., 10 an iiō