Mga Bayani sa Daang Tugon
Si Ester Nagmaisugon
Si Ester rayna kaniadto sa Persia. Ang hari wala masayud nga si Ester usa ka Judeo. Ang hari adunay usa ka dautan nga higala kinsa nasilag sa mga Judeo. Gilingla niya ang hari aron mosulti nga ang tanan nga mga Judeo diha sa yuta kinahanglan nga patyon. Nakahukom si Ester nga hangyoon ang hari sa pagluwas sa iyang katawhan. Apan mahimo siyang patyon sa iyang pag-adto sa trono sa hari. Gihangyo ni Ester ang mga Judeo sa pagpuasa alang kaniya. Sa dihang si Ester miadto sa trono sa iyang bana, gidawat siya sa hari. Gidapit niya ang hari ug ang higala sa hari sa pagpanihapon. Didto, gisultihan niya sila nga siya usa ka Judeo. Ang hari dili makausab sa balaod, apan gitugutan niya ang mga Judeo sa pagpanalipod sa ilang kaugalingon. Uban sa tabang sa Dios, naluwas ni Ester ang iyang katawhan!
“Raynang Ester,” Rebecca C., edad 8, Aragua, Venezuela
Ester
Maisugon si Ester ug nagtuo sa Dios. Mahimo akong magmaisugon ug mobarug alang sa unsay husto!
-
Sag-uloha ang katapusang bahin sa Ester 4:14.
-
Tan-awa ang kapitulo 45 sa mga istorya sa Daang Tugon diha sa scripturestories.lds.org.
-
Kon moingon ang imong mga ginikanan nga anaa kana sa hustong edad, pagpuasa alang sa usa ka tawo nga nagpakabana ka.
-
Mahimo akong magmaisugon pinaagi sa …