2018
Asa Padulong ang Kwarta sa Ikapulo
Oktubre 2018

Unsa ang Atong Gituohan

Asa Padulong ang Kwarta sa Ikapulo

Unsay mahitabo sa kwarta nga imong ibayad para sa ikapulo?

where tithing money goes

  • Mokita ka og kwarta.

  • Imong i-donar ang 10 porsyento sa imong kinitaan para sa ikapulo (tan-awa sa D&P 119).

  • Imong ihatag ang imong ikapulo ngadto sa usa ka sakop sa inyong bishopric o kapangulohan sa branch o isumiter kini pinaagi sa internet diha sa donations.lds.org.

  • Sa ulohang buhatan sa Simbahan, ang Unang Kapangulohan, Korum sa Napulog Duha ka mga Apostoles, ug ang Presiding Bishopric mao ang Konseho sa Paggamit sa Ikapulo (tan-awa sa D&P 120). Sigun sa gimando sa Ginoo, mohimo sila og dinasig nga mga desisyon kon unsaon paggamit niining sagrado nga pundo sa ikapulo.

Ang ikapulo mahimong gamiton alang sa:

  • Pagtukod ug pagmentinar og mga templo, mga simbahan, ug uban pang mga gambalay [building] nga gipanag-iya sa Simbahan

  • Pagpadagan sa mga programa sa edukasyon sa Simbahan

  • Pag-imprinta sa mga kasulatan ug ubang mga materyal

  • Paghimo sa mga pagsiksik sa family history

  • Pagsangkap sa welfare ug humanitarian nga mga paningkamot

  • Paghimo sa misyonaryo nga buhat

  • Pagsangkap og mga kalihokan sa Simbahan alang sa pakigdait sa mga miyembro sa ward o branch

Mga paghulagway pinaagi ni David Green