Pe a e Lotovaivai

O le olaga e i ai ona taimi lelei ma leaga. O nisi taimi pe a tatou lagonaina le faanoanoa, tatou te mafaufau pe o le a le mea ua fai e le Atua—aisea ua faatagaina ai e se Tama alofa lenei mea e tupu? O lenei le mautonu e mafai ona oo i le tatou fesili ifo faapea, “E alofa moni mai ea le Atua ia te aʻu lava ia?”

I tulaga faapenei, ua ou maua ai nei mau e fesoasoani tele:

• Salamo 8:4–5: “Se a ea le tagata e te manatu mai ai ia te ia?… Aua ua e faamaulalo ane teisi o ia i agelu, ua e faapaleina foi o ia i le mamalu ma le matagofie.”

• Ioane 10:14: I le taimi o Lona soifua iinei i luga o le fogaeleele, na faamatalaina ai e Iesu Ia lava “o le leoleo mamoe lelei” ma faaopoopo, “[Ou te] iloa aʻu mamoe.”

• Mose 1:39: O se tasi lea o fuaiupu e sili ona ou fiafia i ai, lea na faaalia ai e le Alii Lona faamoemoega i le Perofeta o Iosefa Samita: “Aua faauta, o la’u galuega ma lo’u mamalu lenei—ia aumaia le tino ola pea ma le ola faavavau o le tagata”—o lea e faalaualuga ai Lona manatu mai ia i tatou o ni tagata taitoatasi.

• Luka 7:11–16: E le gata o lenei tala o loo aoao ai i tatou e uiga i le mana o le Faaola i luga o le oti–o se faamanatu i lenei vaitau o le Eseta–ae mo au o loo avea ma faataitaiga sili o Lona silafia loloto o i tatou taitoatasi. O vavega uma a Iesu, e toaitiiti e agamalu ma agaalofa e pei o Lana auaunaga i le fafine ua oti lana tane mai Naina. E pei ona ou faasoa atu i laʻu tusiga (tagai itulau 12), o lenei tala o loo faaalia ai le fiafia o le Faaola ma le alofa mo i tatou taitoatasi.

Keith Wilson

Polofesa Lagolago, Iunivesite a Polika Iaga.