Vaega Fou a Tamaiti o le Liahona

E amata atu i le 2019, o itulau a tamaiti o le Liahona ua suia i ni auala tetele e tolu:

O se vaega e ese mai ai. O le a sili atu ona maua e tamaiti ia tala e faatupu faatuatua ma gaoioiga i le itulau a tamaiti, ua ta’ua o le Uo. O le a faaauau pea ona tusia tusiga i le Liahona mo tagata matutua, talavou matutua, ma le autalavou.
Isi itulau. O se faateleina mai le 14 i le 24 itulau o lona uiga ua tele atu tala, gaoioiga, ma manatu mo le aoaoina o tamaiti i le fale ma i le Peraimeri. (Ua ogatusa manatu faaleaoaoga ma punaoa fou Sau, Mulimuli Mai ia te A’u .)
Pepa fou. O le pepa fou faauo a le tamaitiiti ua faigofie atu ona oti, valivali, ma tusi ai i luga.

O le a aofia le Uo i le lesitala o le Liahona i le leai o se tau faaopoopo ma o le a lafoina atu faatasi ma le mekasini. E le o mafai, i le taimi lenei, ona okaina le Uo na o ia.

O tagata uma o e maua le Liahona e mafai ona faia se vaega i le tuuina atu i tamaiti ina ia maua le Uo. O i latou e leai se tamaitiiti i le fale e mafai ona tuuina atu i se fanau a fanau, se uo po o se tuaoi, po o se taitai o le Peraimeri, e mafai ona pasi atu i se tamaitiiti i le uarota po o le paranesi.

Ina ia lesitala po o le tuuina atu o se [Uo] mo se meaalofa, alu i le store.lds.org, faafesootai la outou faletusi i Pesega, pe talanoa i la outou failautusi o le uarota po o le paranesi.

Ta’u atu i le Liahona le auala e te faaaoga ai le Uo fou i le fale ma i le lotu e ala i le imeli i le liahona@ldschurch.org.