Aorōk eo Eļap kōn Jeļāļo̧kjeņ: Menin Letok ko ilo Jetōb im Kālet juon Jerbal

Judy Soloai

Iaar lo jibadbad eo an mour eo aō ke kar jerbal n̄an Irooj ilo juon mijen.

Iaar jab bōk kūreet ko rem̧m̧an ilo aijkuuļ. Rūttoļo̧k ippān ro jinōm im jema kar iien otemjej kōmejajaik kajoor eo an jeļāļo̧kjeņ eaar n̄an ukōt mour ko ad n̄an em̧m̧anļo̧k bōtaab, iaar jab bōk kanooj ļōmņake.

Ij itok jān juon baam̧ļe ekilep kōn ļalem ajri ro; ruo ļaddik im jilu leddik. Kar katakin kōm aolep n̄an kōm̧m̧an bwe jeļāļo̧kjeņ en juon kōttōbar eaorōk. Iaar etal n̄an jet jikuuļ ko roktak ilo Hamiltok im Auckland bōtaab kar jab maron̄ lo aorōk eo.

Iaar etal n̄an juon mijen kōn juon karōk n̄an jikuuļ n̄e iro̧o̧l n̄an m̧weo. Iaar kōņaan ļoor ko̧o̧njeļ eo an rikanaan ro, bōtaab eaar ejjeļok aō karōk āinwōt ta eo ij aikuj ekkatak im kar ejjeļo̧k juon kōņaan em̧ool n̄an jabdewōt jerbal.

Mijen eo aō eaar ukōt mour eo aō. Ejjeļo̧k juon raan me eaar eļļāļo̧k me iaar jab ļōmņak kōn mijen eo aō im an jelet mour eo aō. Eaar jab m̧ae iien iaar en̄jake juon lan̄lōn̄ ekabwilōn̄lōn̄ kōn joļo̧k aolep raan jerbal n̄an elōn̄ wōt im lōn̄ ajri ro nejin Anij me iaar kile ewi jon̄an aō kar aikuji, im iaar lo menin letok ko ilo jetōb iaar jab m̧oktaļo̧k kili ilo n̄a make. Armej raar jiron̄ er ewōr ippa menin letok eo an koba ippān armej. Itok limo eo aō ekōm̧m̧an bwe en pidodo aō koba ippān armej. Iaar kajieon̄ kaorōk menin letok kein ilo jetōb im kōjerbali n̄an kwaļo̧k gospel eo an Jisōs Kraist.

Ilo mijen eo aō iaar lo elōn̄ jekjek in mour ko rekabūrom̧ōjm̧ōj, ekoba baam̧le ko raar rup, an kajjojo en̄taan kōn inepata im ro jet kōn lokjak ko an an̄ūrlep ko an uno ekkajoor. Āinwōt juon mijenede iaar maron̄ ko̧o̧njeļ ippāer kōjerbal jeje ko rekwojarjar, im iaar lo an gospel eo kōjeraam̧m̧an mour ko aer ilo aer kar kajieon̄ ijo em̧m̧an tata ippāer n̄an kōjerbal ta eo raar katak. Men̄e iaar iakwe kwaļo̧k gospel eo ippāer iaar kanooj kōņaan kōm̧m̧an eļapļo̧k.

An lōn̄ļo̧k armej ro iaar jerbal n̄an er eaar ļapļo̧k aō lo er āinwōt an Jemedwōj Ilan̄ lo er. Ālkitata iaar bōk iakwe im meanwōd eo ejjab kalijōkļo̧k. Iaar kile bwe ta eo eaar kōm̧m̧an bwe in m̧ōņōņō eaar jerbal in jipan̄, eaar armej ro. Menin eaar ta eo iaar kōņaan n̄an kōm̧m̧an kōn mour eo aō.

Ewōr juon jokkun wōt juon ekajoor ikōtaan erom juon mijenede im erom juon social worker. Jibadbad eo aerro jim̧or ej n̄an ukōt mour ko n̄an em̧m̧anļo̧k. Āinwōt juon uwaan Kabun̄ eo an Jisōs Kraist im Armej ro Rekwojarjar ilo Raan-ko Āliktata, ij jeraam̧m̧an kōn juon jeļāļo̧kjeņ an Pinmuur eo an Jisōs Kraist. Ij m̧ool in tōmak bwe armej remaron̄ oktak, im n̄an kōm̧m̧an bōk juon jerbal jān jipan̄ armej n̄an oktak ej juon jeraam̧m̧an n̄an n̄a.

Kiiō ij iakwe ekkatak ko aō. Ilo tōre in ij kōm̧m̧ane Bachelor of Social Work eo aō ilo BYU. Ij iakwe ta eo ij katak im buuļ jerbal jon̄an wōt aō maron̄. Elōn̄ wōt iaan ro jeiū im jatū em̧ōj aer etal n̄an jikin jikuuļ ko reutiejļok im em̧ōj am lo kōjeraam̧m̧an kein me ro jinem im jemām raar katakin kōm enaaj kar itok ilo am ļoor ko̧o̧njeļ eo aer.

Ilo aō ekkatak n̄an degree eo aō, katak ko an gospel eo rej pād wōt ippa, kam̧wilaļo̧k meļeļeļ eo aō kōn laļ in im kōkōm̧anm̧anļo̧k maron̄ ko aō n̄an erom juon social worker.

Ke iaar dik, iaar jab lo meļeļe eo an bōk juon jibadbad ak juon kōttōbar ilo mour. Eaar wōr juon aō jibadbad jān Irooj im iaar loe ke iaar pād ilo mijen eo aō. Iaar jab etal n̄an mijen n̄an lo eō make. Iaar ilo̧k n̄an kwaļo̧k gospel eo ippān lōn̄ in armej eo imaron̄ kar tōpar er, bōtaab ilo joļo̧k eō make ilo jerbal eo an Irooj iaar lo n̄a make im jibadbad eo aō.