Bwebwenato ko an Ijo Jokwe ie
Juon Iakwe an Katak—Juon Iakwe an Katakin
Kōn kar sign up n̄an juon iien em̧m̧an an online jikuuļ ippān BYU-Hawaii, 24-iiō-dettan Rumetati Taarie ej kiiō jerbal m̧aanļok n̄an an kadedeļo̧k kooj eo kōn Bok in Mormon.
Liin eaar kadedeļo̧k mijen eo an ilo Australia Sydney North Mission ilo 2014 eo. Ke kōm kar intōrpiuki mejān “eaar ettōn̄dikdik” ke eaar keememej eaar lo an kar pen n̄an meļeļe ta eo armej ro raar ba—ejjab idajon̄jon̄ eo de eo kōn aer kōnono bōtaab kōjerbal kōkajkaj eaar kanooj jab meļeļe kake—aaet, liin eaar iakwe katak kōn m̧anit ko roktak im liin ej būrom̧ōj wōt kōn iaio ko rem̧m̧an eaar lem̧ōņōņō kaki ijo.
Rumetati eaar lōn̄ an en̄jake ko kōn apan̄ ko eļļapļo̧k aer eppen m̧okta jān mijen eo an. Po ļaddik eo an eaar mej ke raar ajri wōt im jinem im jemen raar jepel. Liin eaar ilo̧k n̄an New Zealand ippān jemen ke eaar ralitōk iiō dettan n̄an juon iien kakkije im kar keememe raan in ļotak eo an ilo laļ en. Ejjab to ālkin raar ioon mijenede ro ro raar peptaij e n̄an Kabun̄ in. Ejerata, eo jemen eaar jako ilo 2003 eo im liin kar lale jān kōrā eo naaj jinen.
Rumetati eaar jako aolep wāween an kar tōpar jinen im kar jab keememej e n̄an jidik, m̧ae juon raan ālkin an kar bar jepļaak n̄an Kiribati ālkin mijen eo an, ke eaar pād ilo juon m̧ōn wia, jet ruwia raar ron̄ an jinen kajjitōk eļan̄n̄e eaar wōr jabdewōt eaar jeļā kajien Rumetati—āliktata, juon iien bar ioon doon!
Ilo juon iien Rumetati eaar jerbal āinwōt juon rijerbal in radio m̧okta jān an kar jipan̄ ilo JSSTUC1 junior secondary jikuuļ eo ilo Kiribati; juon jerbal liin eaar m̧ōņōņō kake.
An iakwe ajri ro eaar jipan̄ Rumetati kōm̧m̧ane juon jokālet n̄an ilo̧k ilo juon būrookraam̧ in ekkatak an jilu-iiō elementary education. Liin eaar ba: “Ij iakwe katakin ilo elementary school im juon raan, ilo ilju im jekļaj, ikōņaan katak ajri ro nejū make.”
Laptop eo an Rumetati make eaar jorrāān jem̧aanļo̧k—juon m̧ōttan eo ejouj eaar leļo̧k bwe en kōjerbal kamputōr eo an we liin en marojn̄ ekkatak ilo Teapraerele Stake Center eo. Ilo juon jon̄ak liin eaar ekkatak ikōtaan 4–6 awa ko kajjojo raan bwe en maron̄ jilkinļo̧k peba ko an ilo iien eo ejejejt.
Liin ej iakwe riiti jeje ko rekwojarjar im kar kōm̧m̧an aolep raan. “Ij en̄jake iakwe eo an Jemedwōj Ilan̄ jabdewōt iien ij riiti jeje ko rekwojarjar—im bwebweanto ko kōn tōmak rej lukkuun un̄ur būruwō.”
Men̄e ej jeļāļo̧kjeņ an laļ in ak ilo jetōb, Rumetati ewōr juon an kam̧m̧oolol em̧wilaļ kōn katak.
Liin ej kōjatdikdik kōn juon em̧m̧anļo̧k, ilju jekļaj emeramļo̧k ilo an katakin ro jet ta eo eaar wōr an iien em̧m̧an n̄an katak.