Bwebwenato ko an Ijo Jokwe ie
N̄an Jipan̄ Jukjuk in Pād eo—Juon Ettōņak Aitok Kitien Erom M̧ool
“Ikōņaan erom juon taktō juon raan,” Lyalyn Otia Nebati 22-iiō dettan eaar ba ke iaar kajjitōk ippān etke eaar bōk juon kooj in chemistry ilo online: “Barāinwōt,” eaar wōnm̧aanļo̧k wōt, “Ro jinō im jema raar katakin eō eļan̄n̄e ikōņaan juon ilju jekļaj eo em̧m̧anļo̧k ij aikuj ekkatak!”
Lyalyn ej būrom̧ōj kōn jemen eo eaar mej ilo 2990 eo. Jinen, eo Lyalyn ej nōbare, ej juon m̧am̧a eo em̧m̧an. Liin ej jerbal ilo housing ko an kien im ej kake n̄an Lyalyn im ajri ro jatin. Rein ruo rej kiiō un̄are-peier make.
Lyalyn em̧ool ej iakwe armej ro im liin ej kwaļo̧ke ippa juon bwebwenato ejjab etto liin eaar kōm̧m̧an ippān juon taktō in n̄ii eo eaar kwaļo̧k ewōr juon jabwe in taktō in n̄ii ilo Āne ko ilo Pacific. Lyalyn eaar ba, “Ikōņaan erom juon taktō—ak juon taktō in n̄ii—n̄an jipan̄ jukjuk in pād eo aō eaar juon ettōņak aitok kitein n̄an n̄a.”
Lyalyn eaar ļotak ilo juon laļ edik ņa etan Nauru. Liin kiiō ej jokwe ppān jinen im ro jatin ilo Tarawa, Kiribati im ekkatak ilo online kōjerbal Teaoraereke Stake Centre internet eo im ruum̧ in—ekkatak eo.
Liin ej kōjatdikdik n̄an kadiwōjļo̧k jān University of the South Pacific im em̧ool liin ej joļo̧k awa ko, ejjab baj ekaktak wōt chemistry, ak barāinwōt English.
Āinwōt juon kar rijikuuļ in Moronai High School, liin eaar katak n̄an lem̧ōņōņō im pedped ioon naajdik eo kajjojo raan me ekkatak gospel eo ej letok. Jeraam̧m̧an, Lyalyn ej iakwe n̄an katak, im ke liin eaar pād ilo mijen eo an ilo Philippines liin eaar kadede kwaļo̧k jeļāļo̧kjeņ eo an an gospel eo.
Lyalyn ej barāinwōt rijikuuļ in Institute eo eniknik–liin ewōr wōt m̧ōttan jet an credit n̄an būki m̧okta jān an kadiwōjļok.
“Ij iakwe Institute,” liin eaar ba, “Ej juon en̄jake in kaktak eo ekanooj m̧wilaļļo̧k jān Jemenāri. Ej letok n̄an eō juon meļeļe eļapļo̧k kōn katak ko an Kabun̄ in.”
Bōtaab ejjab aolep in! Lyalyn eaar katak ekōjkan n̄an erom juon homemaker. Kajjojo jibbon̄ liin ej karreoik m̧weo im kōm̧m̧ane jerbal ko an m̧o̧kta jān an em̧m̧akūt n̄an kaļōj jeļā bwe jerbal ko an rej kōjeraam̧m̧an aolepān baam̧ļe eo an.