Ana Ribooti te Oteta n Tararua ibukin te Ekaretia, 2018
Nakon te Moan Beretitentii n Ana Ekaretia Iesu Kristo ibukiia Aika Itiaki ni Boong aika Kaitira
Nakoia Taari: N aron ae e kairaki inanon te kaotioti ni mwakoro 120 n Reirei ao Berita aika Tabu, te Kauntira iaon Karaoan te Kabwianibwai—e kaainaki irouia kaain te Moan Beretitentii, te Kooram n Abotoro n te Tengaun ma Uoman, ao te Bitiobiriki n Tararua—a anga te kariaia ibukin ana kabanemwane te Ekaretia. Ana rabwata te Ekaretia e tibwatibwai mwane ni kaeti ma kataumwane aika a kariaiakaki, tuua, ao aron kabonganakiia.
Te Oteta n Tararua ibukin te Ekaretia, are e kaainaki irouia ake a mwaatai ake iai beebwaia ni kakoaua ni karaoan aia mwakuri ao a inaomata n ana tabo ni mwakuri nako te Ekaretia, iai tabeia ni karaoi oteta ibukin katauraoan baika iai bukiia ni kaeti taian angamwane aika a roko, kabane mwane ake a karaoaki, ao kamanoan ana bwai te Ekaretia.
Ni boboto iaon mwakuri ake e karaoi te oteta, te Oteta n Tararua ibukin te Ekaretia, are e kantaningaaki bwa, man ana bwai ni kabane, tibwaia ake a karekei, kabanemwane ake a karaoaki, ao ana bwai te Ekaretia ibukin te ririki 2018 a tia n tauaki mwiia ao ni mwakuriaki ni kaeineti ma are e kariaiakaki n ana kataumwane te Ekaretia, tuua, ao aron kamanenaan te mwane. Te Ekaretia e irii mwakuri ake e tia n reireiniia iai kain te aro ni maiuakinan te kataumwane, totokoa te taarau, ao ni karinimwane ibukin kainnanoana.
E uotakirake ma te koaua,
Oteta n Tararua ibukin te Ekaretia
Kevin R. Jergensen
Manatia n Tararua