Te Katabu e Kaota “Te Tai ae e na Rokoa ae aki Ataaki”
“Te Ekaretia e rinanon te tai ae e na roko ae aki ataaki, ae aki booraoi,” e taku Beretitenti Russell M. Nelson ni katabuan te Rome Italy Tembora ni Maati 2019. “Ti tii karaoa aan te kateitei ibukin te tai ae e na roko.”
N tain te katabu, ni kabane membwa n te Moan Beretitentii ao te Kooram n Abotoro n te Tengaun ma Uoman, n te moan tai, a bane n ikotaki n teuan te tabo itinaniku n te United States. “Ngkai Ana Abotoro Iesu Kristo ni boong aikai,” e taku Beretitenti Nelson, “ti tibwaua te rongorongo ae ti tebo n te bong aei ma are a tia n tibwauaia Abotoro n taai aika bwakanako—bwa te Atua e maiu ao Iesu bon te Kristo.”
N raonaki ma katabuan te tembora, e taetae Beretitenti Nelson nakoia te roronrikirake n te mwakoro n te tembora ao ni kaitibo ma Bobe Francis, ana moantai te Beretitenti n te Ekaretia ma aomata aika a rine ma atuun te Aro ni Katorika i Rom.