Unimwaane Benjamin M. Z. Tai

Mataniwi ni Kabuta n te Itingaun

Tibun raoi Unimwaane Benjamin M. Z. Tai e tauaki, kabureaki, ao e tiringaki irouia ana taanga Tiaban ngke a ekanako Hong Kong inanon te Kauoua ni Buaka n te Aonaaba.

Tebwina te ririki imwiina, Unimwaane Tai e kaitibo ma buuna ae e na iein ma ngaia, Naomi Toma, mai Japan, ngke e riki bwa te beretitenti ngaia n aia kooram unimwaane n aia uoote ataein te reirei n te Brigham Young University. Naomi e beku bwa te beretitenti n te Bootaki n Aine.

Ngke e tuanga tamana, emeritus Mataniwi ni Kabuta Unimwaane Kwok Yuen Tai, bwa e kakaitibo ao e kantaningaia bwa e na mare ma Naomi, tamana e aki kaota te kairiribai. Ni koauana, ana karo Naomi, Rikuo ao Rumiko Toma, a roko i Hong Kong ni kawariia ana karo Benjamin. Ana karo neiei a nooria bwa ana euangkerio Iesu Kristo ngaia are e karekea te booraoi bwa e na kona ni karaoaki te mare. A mareaki n te Salt Lake Tembora n on Turai 31, 1984. Ngaia kaaro irouia natiia aika onoman.

“Ti roko man aba aika kakaokoro, ma iai te karai ae ti katiteuanaaki iai n te onimaki ao te anganano,” e taku Unimwaane Tai. Unimwaane Tai e ataia bwa karai n onimaki akanne ao anganano a na reitiira n te tai aei ma ngaia ao ma aika Itiaki ni Boong aika Kaitira ni kabuta te aonaaba.

Benjamin Ming Zhe Tai e bungiaki ni Meei 20, 1972, i Hong Kong nakoia Kwok Yuen ao Hui Hua Tai. Ana mwakuri tamana e uotiia ana utu ni katobibia te aonaaba imwain ae a mwanana nako Meangin California, USA, n te tabo are e kabanea iai ana bong ni kairake Unimwane Tai. Ni mweengaia, ana karo a katekea te niniiira ni beebwa ma taekana ae koreaki n taetae n Tiaina: “Ao ngai ma kain batau, tina toro iroun te Uea” (Iotua 24:15). Aio e a tia n riki bwa aia moto ana utu Tai.

Imwiin ana beku n ana Mition i Melbourne Australia Melbourne, Unimwaane Tai e karekea ana baetura degreeen te tiaienti mai BYU n 1996 ao ana mwatita n te business administration degree man te Uniwetiri i California, Los Angeles (UCLA), n 2003. E a tia ni mwakuri i Tiaban ao Hong Kong n te bangke ni karikirake ao karikirake ibukin te aba.

Unimwaane Tai e a tia ni beku bwa te Itingaun n te Aono, beretitenti n te mwakoro, kauntira n te beretitentii n te mwakoro, tia koroboki ibukin kakoroan mooti n te mwakoro, beretitenti n aia kooram unimwaane, beretitenti n te mwaanga, ao te tia reirei n Tabati.