Waniua Tembora aika Boou, A Katanoataaki Taabo ake Ana Kateaki Iai

Tembora n aia tai bwaeoniia, n raonaki ma te Salt Lake Tembora, a na manga karaoaki, n raonaki ma waniua riki tembora aika a boou ake a na kateaki.

Beretitenti Russell M. Nelson e kaina te maungatabu ni kabuta n Eberi 2019 ni katanoatai waniua riki tembora aika a boou ake a na manga kateaki man aia tai bwaeaoniia, n raonaki ma kabwarabwaraan riki manga karaoan te Tembora i Salt Lake.

Tembora aika a boou a na kateaki i Pago Pago, American Samoa; Okinawa City, Okinawa; Neiafu, Tonga; Tooele Valley, Utah, USA; Moses Lake, Washington, USA; San Pedro Sula, Honduras; Antofagasta, Chile; ao Budapest, Hungary.

Babaire ibukin manga karaoan te Tembora i Salt Lake e na raonaki ma manga karaoan te Tembora Tikuea ao taabo n nakonako ake a uakaan ma ana Kateitei Aobitin te Ekaretia i Salt Lake City, Utah, USA. Tembora i St. George, Manti, ao Logan, Utah, USA, a na manga karaoaki n taai aika a na roko. “Te mwakuri aei e kantaningaia bwa tembora nako a na kainaki inanon te tai ae maan,” e taku Beretitenti Nelson. “Membwa n te Ekaretia a kona n reitinako n taromauri n tembora tabeua ake a uakaan. Ngkana a bane n tia karikirake aikai, a na bane ni manga katabuaki.”

Ngke e a riki bwa te Beretitenti n te Ekaretia n Tianuare 2018, Beretitenti Nelson e a tia ni katanoatai 27 tembora aika a boou. Man te maungatabu ni kabuta ae nako inanon Okitobwa 2018, e a tia ni manga katabuaki te tembora i Rome, Italy; Barranquilla, Colombia; ao Concepción, Chile.